Video
Read full review
2017-07-26
88 views
呢排灣仔開左間溫哥華風味既越南餐廳，仲聽講長期要排隊同好快售罄某啲菜式。見今日收早，即刻狗衝去試下，估唔到六點都幾乎爆場，仲一路好多外賣。枱面貼左教人點食越南湯河既可愛小貼紙，加上一枝是拉差辣醬同一枝海鮮醬，最驚喜係筷子用左東南亞獨有木筷，好有容和感。一場來到，一定要試下安格斯生牛肉湯河，一上枱濃濃藥材湯味直撲入鼻，湯底係啡色，睇得出湯係足料以及長時間淆制而成。急不及待試左一啖湯， 藥材香同牛肉清甜伴隨芫茜獨特香味，令人歎為觀奇。隨即加入青檸汁、九層塔，辣椒同芽菜， 用湯熱力令芽菜處於爽脆而唔老既口感。河粉吸收左湯既精華，滑得來有彈性，感覺又唔肥，而且唔會吸晒湯，安格斯牛肉，薄薄一片，但牛味十足，而且又唔老，不過份量唔太多。不過問心，45大元一碗甘正既湯河，去邊搵。而且可以加15大元有小食同餐飲，特飲倒外。我當然唔可以錯過呢個機會。加左蝦餅，有別於其他餐廳，蝦餅係方形，而且係薄身，點上甜辣醬，竟然有三文魚味道，內滑外脆，雙重享受。另一小食，燒豬頸肉，肉身一啲都唔肥，甚至感覺唔到油膩，但又保持肉質鮮美有汁唔乾，感覺幾健康。最後當然整杯越南咖啡，上枱時咖啡正逐滴逐滴過濾緊，混合埋練奶，香味
枱面貼左教人點食越南湯河既可愛小貼紙，加上一枝是拉差辣醬同一枝海鮮醬，最驚喜係筷子用左東南亞獨有木筷，好有容和感。
一場來到，一定要試下安格斯生牛肉湯河，一上枱濃濃藥材湯味直撲入鼻，湯底係啡色，睇得出湯係足料以及長時間淆制而成。急不及待試左一啖湯， 藥材香同牛肉清甜伴隨芫茜獨特香味，令人歎為觀奇。
隨即加入青檸汁、九層塔，辣椒同芽菜， 用湯熱力令芽菜處於爽脆而唔老既口感。河粉吸收左湯既精華，滑得來有彈性，感覺又唔肥，而且唔會吸晒湯，安格斯牛肉，薄薄一片，但牛味十足，而且又唔老，不過份量唔太多。不過問心，45大元一碗甘正既湯河，去邊搵。而且可以加15大元有小食同餐飲，特飲倒外。我當然唔可以錯過呢個機會。
加左蝦餅，有別於其他餐廳，蝦餅係方形，而且係薄身，點上甜辣醬，竟然有三文魚味道，內滑外脆，雙重享受。另一小食，燒豬頸肉，肉身一啲都唔肥，甚至感覺唔到油膩，但又保持肉質鮮美有汁唔乾，感覺幾健康。
最後當然整杯越南咖啡，上枱時咖啡正逐滴逐滴過濾緊，混合埋練奶，香味四溢，完全冇苦澀味，只有濃濃咖啡香，而且係回甘十足，細細一杯，為晚餐劃上完美句號。
Post
