蘇媽.蘇媽馬來西亞茶餐室 (Closed)

深水埗呢間食馬拉嘢嘅人龍店個名好得意叫：蘇媽蘇媽，其實係馬拉文「乜都有」嘅中文譯音，聽聞繁忙時段要等一個鐘以上，今日趁時間早，唔使等得太耐就有位。先試招牌菜辣死你嗎椰漿飯，個名其實都係譯音。每份都用藤籃上好有風味。綠色椰漿飯夠椰香，可選跟咖哩雞或者仁噹牛肉，配料好豐富，有青瓜、花生、乾魚仔、咖喱薯仔、蛋…撈埋參巴醬辣辣地好香口幾過癮，但又未至於辣死阿媽嘅程度嘅！必食仲有椰香咖央西多，呢份仲有驚喜！多士烘得呈金黃，外層香脆，咬落好鬆軟，而且咖央份量唔孤寒，啖啖充滿椰香，水準高過好多港式茶記！