Video
Read full review
2023-08-15
18 views
行過蘇豪區，見到呢間餐廳個名咁得意，決定去試吓！呢度係食新派西餐，成個感覺都幾Chill。我哋先叫咗兩杯Mocktails（$176）呢款Mocktail係用青檸配薄荷葉，十分清新易入口，啱曬依家咁熱嘅天氣！前菜我哋叫咗一客「Cauliflower」（$98），個人超鍾意呢個菜式，椰菜花煎得好香口，配埋底下嘅檸檬乳酪，酸酸甜甜咁，令人食唔停口，再加埋面頭鋪咗好多嘅番石榴籽同杏仁，成個感覺就更Fresh！真係無諗過呢幾種食材擺埋一齊係會咁夾，而且份量都好多！小食方面，我哋就叫咗「Spring Rolls」（$98），都好好奇呢間鋪頭會點處理一道咁傳統嘅菜式，嚟到真係有驚喜，春卷係極大條同厚身，入面係包住豆乾、菇類，又有蘿蔔等，食落有果腹感，但又唔覺Heavy，而春卷皮係炸得好脆，點埋有少少辣味嘅蛋黃醬，真係超滋味！主食我哋先叫咗一客「Aglio Olio Peperoncino」（$118），係蒜蓉辣椒意粉，呢碟菜睇落普通，但要處理得好一啲都唔容易，我鍾意餐廳係用比較有咬勁嘅意粉去煮，食落口感更佳，而蒜蓉同辣椒唔會落得太多，足夠調味，個底係大量嘅橄欖油，香得嚟又健康，成個配搭唔會太濃味，
呢度係食新派西餐，成個感覺都幾Chill。
我哋先叫咗兩杯Mocktails（$176）
呢款Mocktail係用青檸配薄荷葉，十分清新易入口，
啱曬依家咁熱嘅天氣！
前菜我哋叫咗一客「Cauliflower」（$98），
個人超鍾意呢個菜式，椰菜花煎得好香口，
配埋底下嘅檸檬乳酪，酸酸甜甜咁，令人食唔停口，
再加埋面頭鋪咗好多嘅番石榴籽同杏仁，成個感覺就更Fresh！
真係無諗過呢幾種食材擺埋一齊係會咁夾，而且份量都好多！
小食方面，我哋就叫咗「Spring Rolls」（$98），
都好好奇呢間鋪頭會點處理一道咁傳統嘅菜式，
嚟到真係有驚喜，春卷係極大條同厚身，入面係包住豆乾、菇類，又有蘿蔔等，
食落有果腹感，但又唔覺Heavy，
而春卷皮係炸得好脆，點埋有少少辣味嘅蛋黃醬，真係超滋味！
主食我哋先叫咗一客「Aglio Olio Peperoncino」（$118），
係蒜蓉辣椒意粉，呢碟菜睇落普通，但要處理得好一啲都唔容易，
我鍾意餐廳係用比較有咬勁嘅意粉去煮，食落口感更佳，
而蒜蓉同辣椒唔會落得太多，足夠調味，
個底係大量嘅橄欖油，香得嚟又健康，
成個配搭唔會太濃味，但又覺得好香好好食。
最後，我哋叫咗一碟「Pan Fried Salmon」（$188），
又係唔複雜嘅食材，但煮得好好食！
三文魚煎得香透，恰到好處，而調味唔重手，可以吊到魚嘅鮮味出嚟。
醬汁係荷蘭醬，比起其他種類嘅沙律醬，佢濃稠得嚟唔會搶味，
成個感覺係好Balance嘅！
配菜有薯仔同炒西蘭花，食完更加飽肚。
餐廳仲有好多好頂癮嘅掛飾，可以慢慢睇！
Post
