好易食

Open Now

Now Closed

今日朋友生日特登同佢中環行街食飯,朋友話好耐都冇去過蘇豪區,一於過去飲杯嘢想食飯。Holy Eats 餐廳酒吧,餐廳裝修得好有格調,柔和嘅燈光加上音樂,喺度食嘢感覺真係好舒適。caesar salad凱撒沙律 ,沙律菜非常新鮮,上面鋪滿芝士,沙律菜味道鮮甜,芝士有少少鹹香,味道層次清新豐富。Beef Taco two pcs 一個好特別嘅墨西哥餡餅,上面鋪滿香料牛肉,下面嘅餅底焗到啱啱好,食落口好酥脆,入口牛肉味好香濃加上香料味好突出,味道非常有層次,加少少青檸汁落去令到牛肉味更加突出。Fried Chicken 雞件分量好多,雞皮炸到金黃色,食落口雞肉仲係好嫩滑好juicy,加上蔥花芝麻 ,令到炸雞嘅味道更加有層次,加上餐廳嘅醬汁真係好好食。Mush Croquettess炸磨菇餅,外面炸到好酥脆,面層加咗少少芝士粉,食落口味道層次好豐富,入面嘅蘑菇容一粒粒好有口感,外酥內嫩,香口惹味。pan fried Salmon香煎三文魚,賣相好吸引,三文魚分量好多,火喉控制得啱啱好,三文魚肉嫩滑,魚肉味香濃,脂肪分佈均勻魚香味更突出,加少少醬汁令到味道更有層次。