星星 Pho Cha

Open Now

Now Closed

餐廳位於佐敦，近柯士甸站多啲，主打多款韓式料理，午市更有抵食套餐。店內環境唔大，服務態度友善，地理位置較偏僻但估唔到平日晚上都有唔少客人，相信應該有料到。前菜賣相一流，包含七款小食，味道質素完全唔Hea，每日新鮮製作，可以添加一次。紫菜包飯有好多口味，配料豐富，味道清淡，飯夠少，食多幾件都唔怕膩。火鍋有辣有唔辣，店員推介烤牛肉王餃子火鍋，牛肉大塊，份量足，嫩滑帶甜，吸滿湯汁、餃子有四大粒，餡料飽滿，超級飽肚、下面仲有大量蔬菜，食住飲湯好好味。私心推介蘿蔔包豬手，肥瘦適中，適合多人分享，可按個人喜好包成一卷，估唔到係用蘿蔔片同紫蘇葉，令到整體油膩感大大降低。食韓國菜當然唔少得酒，呢款有13%，帶甜，唔錯。