見城日本料理 (Closed)

前男友係做飲食，成日話見城點好點好，去食又怕貴。今日中午突然失眠，一於去食個luuch，二百元有找，睇下係咪咁神其？單拖入去，全場滿坐，但招呼好好，想乜都試下，叫左個一式四小盒的不知名定食。有蒸蛋，刺身，天婦羅，燒魚兩片，玉子一件，日式五花腩，飯，湯，甜品……好精致，好多野食蒸蛋做得最好，香滑有層次。好快食哂刺身ok，無其他網友講到咁新鮮天婦羅唔脆，好一般，又唔夠熱玉子太甜，層次唔夠，口感欠奉，唔似高檔日本料理出品。五花腩ok，濃濃鮮味送飯一流但最搞笑係燒魚，有一片燒到黑黑地，食落去咸到不得了，我以為自已唔識野，可能係日式咸魚我坐shshi bar，好好睇，D師傳好識同客人溝通，又幾靚仔，好有氣氛。有個靚仔師父主動問我野，我就話D魚好咸，佢就話立刻整過比我，我話唔使…之後全個廚房大為緊張。佢即刻話入去試下，一陣出黎話真係咸左D，跟住日本人大廚又入去試，搞完一輪，出黎不停同我講唔好意思…我好佩服佢地好有誠意，好用心，但如果佢地一早試食好哂先出D野食，就唔會氾D咁既錯本人係特別挑剔D，尤其對名店，有批評才有進步繼續努力，我遲早也會再來