Video
Read full review
2019-10-29
205 views
鋪頭細細, 收鋪前三十分鐘依然坐滿人, 店員黑面, 問問題唔多想答, 勉強用最少字回覆或者扮聽唔到. 雪糕定價好高, 名氣最大應該係金箔雪糕, 但金箔其實無味, 畀成舊水食無味野唔乎合我價值觀, 我又無興趣影相呃like, 完全無諗過食. 依我所見, 成間鋪得三隻味雪糕──牛奶、抹茶同赤肉蜜瓜, 本來仲有士多啤梨白朱古力雪糕, 不過當日無賣.得三隻味就試哂三隻, #北海道赤肉蜜瓜雪糕# 個味清得濟, 甜度可以, 但無蜜瓜嘅濃味, 唔係睇餐牌都唔知呢隻係蜜瓜味, 只係一種清清地嘅甜味, 連插住嗰件蜜瓜都偏淡口, 零特色. 呢個唔係北海道赤肉蜜瓜雪糕, 其實係畀左錢食就肉赤雪糕🤣#源自日本京都宇治抹茶Mix雪糕# 個名真係咁長強調出處, 成間野定位清晰一致虛榮到底👏 呢個係雙拼口味, #源自日本京都宇治抹茶雪糕# X #北海道牛奶雪糕#. 抹茶味濃到苦, 不過呢個未必係缺點, 因為自己本身唔食抹茶呢種苦, 正如有人唔鐘意啤酒咖啡覺得佢苦, 但我鐘意, 所以對其他人黎講呢個抹茶味可能好出色. 牛奶雪糕真係正嘅, 佢比老麥啲軟雪糕甜, 但呢種甜係顯得佢更濃郁. 濃味按理推測應該係黎自牛奶, 但
北海道赤肉蜜瓜雪糕
$68
39 views
0 likes
0 comments
源自日本京都宇治抹茶Mix雪糕
$42
33 views
0 likes
0 comments
如果今次黎只係食北海道牛奶雪糕我都只係會畀中評, 一來賣得唔平, 二來店員黑哂面, 但係今次食埋北海道赤肉蜜瓜雪糕太差又貴, 加上黑面店員, 劣評走唔甩.
Post
