Video
Read full review
2022-09-30
751 views
依間位於屯門拉麵小店，傍晚1740已經有人龍🤔最後排左半個鐘入坐，小店環境唔大有8個座位，枱與枱都有間距都okay～當日入座冷氣機漏水，但兩位店員都好快手處理左～唔錯。本身想試限定拉麵，但未有🥹最後試左原味同清湯，整體都有驚喜，價錢合理，唔洗排隊更佳。1️⃣原味濃拉麵 $78原味濃湯拉麵湯頭十分濃郁，濃稠相對比較高，飲落唔算太鹹幾膠質帶豚骨味，味道不錯，麵條方面粗幼同軟硬度適中，食落口感不錯，掛湯能力一般，叉燒比較薄身，食落好似越式生滾牛肉既感覺，好嫩口👍🏻作為配菜既荀有驚喜，咬落相當爽脆同鮮甜👏🏻比較少食到依啲口感🤔2️⃣清湯醬油拉麵 $75清湯醬油拉麵湯底以醬油為基礎，入口較鹹但可接受～飲多幾啖幾清甜醬油味都幾香，飲完唔會口渴，幾鐘意麵條既軟硬度，唔會淋食落有口感但小麥味唔太出，溏心蛋做得好流心但唔太入味，叉燒都同原味拉麵一樣，望落粉嫩食落有肉香。整體兩款各有特色，個人比較喜歡原味濃拉麵個湯底😉
1️⃣原味濃拉麵 $78
原味濃湯拉麵湯頭十分濃郁，濃稠相對比較高，飲落唔算太鹹幾膠質帶豚骨味，味道不錯，麵條方面粗幼同軟硬度適中，食落口感不錯，掛湯能力一般，叉燒比較薄身，食落好似越式生滾牛肉既感覺，好嫩口👍🏻作為配菜既荀有驚喜，咬落相當爽脆同鮮甜👏🏻比較少食到依啲口感🤔
2️⃣清湯醬油拉麵 $75
清湯醬油拉麵湯底以醬油為基礎，入口較鹹但可接受～飲多幾啖幾清甜醬油味都幾香，飲完唔會口渴，幾鐘意麵條既軟硬度，唔會淋食落有口感但小麥味唔太出，溏心蛋做得好流心但唔太入味，叉燒都同原味拉麵一樣，望落粉嫩食落有肉香。
整體兩款各有特色，個人比較喜歡原味濃拉麵個湯底😉
Post