Video
Read full review
2019-08-26
42 views
今日問同事喺屯門有乜嘢非連鎖式嘅西餐推介，同事二話不說就推介咗虹橋嘅呢一間西餐小店，今日要喺屯門開飯，就走過嚟試下。餐廳環境相當具格調，以虹橋嘅餐廳嚟講實屬少見，估唔到喺虹橋都食得到fine dine嘅格局。首先送嚟嘅係餐湯同埋沙律，分別係鱈魚南瓜湯同埋煙蜜火腿沙律，餐湯同沙律用咗一個好特別嘅器皿嚟盛載，未食都已經開心咗先。先試一啖餐湯，南瓜味濃，口感濃稠，最正嘅係佢入面真係有一粒粒嘅鱈魚，認真真材實料；沙律菜夠哂新鮮，沙律汁微酸，十分開胃。泰式辣煙三文魚，我哋另外仲加咗個小食，呢一道富有fusion意味嘅泰式辣煙三文魚令人非常讚嘆，個醬汁有少少似泰式生蝦嗰個醬汁，估唔到配落煙三文魚度都同樣出色，令人欲罷不能。菠菜忌廉雞肉巴馬火腿意大利麵，意大利麵係闊身嗰隻，能夠讓麵條掛上更多嘅醬汁，雞肉出奇地咁嫩滑，特別鍾意佢面頭有為數不少嘅parmesan cheese，令整個食味更加豐富。美國極佳級安格斯牛肉眼，Prime grade嘅肉眼扒牛味果然特別強，廚師將肉眼兩邊煎得香脆， 只係簡單咁樣灑上少少鹽同埋黑椒調味已經相當好食，點一點隨附嘅肉汁，又係另一種食法； 另外令我好impressed
今日問同事喺屯門有乜嘢非連鎖式嘅西餐推介，同事二話不說就推介咗虹橋嘅呢一間西餐小店，今日要喺屯門開飯，就走過嚟試下。
餐廳環境相當具格調，以虹橋嘅餐廳嚟講實屬少見，估唔到喺虹橋都食得到fine dine嘅格局。
首先送嚟嘅係餐湯同埋沙律，分別係鱈魚南瓜湯同埋煙蜜火腿沙律，餐湯同沙律用咗一個好特別嘅器皿嚟盛載，未食都已經開心咗先。先試一啖餐湯，南瓜味濃，口感濃稠，最正嘅係佢入面真係有一粒粒嘅鱈魚，認真真材實料；沙律菜夠哂新鮮，沙律汁微酸，十分開胃。
泰式辣煙三文魚，我哋另外仲加咗個小食，呢一道富有fusion意味嘅泰式辣煙三文魚令人非常讚嘆，個醬汁有少少似泰式生蝦嗰個醬汁，估唔到配落煙三文魚度都同樣出色，令人欲罷不能。
菠菜忌廉雞肉巴馬火腿意大利麵，意大利麵係闊身嗰隻，能夠讓麵條掛上更多嘅醬汁，雞肉出奇地咁嫩滑，特別鍾意佢面頭有為數不少嘅parmesan cheese，令整個食味更加豐富。
美國極佳級安格斯牛肉眼，Prime grade嘅肉眼扒牛味果然特別強，廚師將肉眼兩邊煎得香脆， 只係簡單咁樣灑上少少鹽同埋黑椒調味已經相當好食，點一點隨附嘅肉汁，又係另一種食法； 另外令我好impressed 嘅係佢嘅薯條排列得好整齊，疊到好似層層疊咁樣，足見餐廳對出品嘅用心。
虹橋嘅餐廳我都食過唔少，呢間都可以話係數一數二，值得一試。
Post
