喜多嬉牡蠣屋 (Moved) New Location

位於中環嘅喜多嬉牡蠣屋，係以生蠔為主題嘅日式居酒屋🏮重點係有90分鐘生蠔任食 而且都係由日本直接進口🤤聽到已經流晒口水放題分咗兩種價錢，分別係$398/60分鐘同$498/90分鐘🤟🏻兩款都會有九品前菜/牡蠣刺身/燒牡蠣/燒帆立貝任食，$498就可以再無限追加牡蠣烏冬/牡蠣茶漬飯同多款特色串燒🍡為求食得盡興 我哋揀咗$498😌先送上九品前菜，賣相十分精緻，以九宮格形式將九款前菜呈現😍第一時間梗係食咗生蠔先，超級大隻🦪上面有土佐酢啫喱，蔥同蘿蔔蓉，再落少少檸檬汁，鮮味十足，而且真係好肥美，口感同味蕾都勁滿足。吞拿魚蓉配天婦羅紫蘇葉原來好夾，令鮮味突出，而且紫蘇葉好脆卜卜👍🏻而平時食串燒必雞嘅燒雞肉棒，點上蛋汁，味道層次豐富。另外仲有燒白鰻，天婦羅秋葵，沙律，漬物。夠晒豐富有誠意🫶🏻肥美生蠔我哋當然有再encore，另外都有叫燒蠔，同樣肥美爆汁，有三款醬汁可以點，重口味如我就鐘意落蒜🤤仲有推介大家可以試下牡蠣五島手延湯烏冬，湯頭亦十分鮮味。串燒我哋就簡單叫咗幾款，羊肉，雞心，雞腿肉，豬頸肉等，質素都唔錯，唔會燒到好乾，夠肉汁🐖