Video
9-min walk from Exit C, Hong Kong MTR Station
continue reading
Telephone
60898740
Opening Hours
Today
12:00 - 15:30
17:00 - 22:30
Mon - Sun
12:00 - 15:30
17:00 - 22:30
Above information is for reference only. Please check details with the restaurant.
About Reward Scheme
Offers
🦪呢間人氣放題居酒屋，主打日本生蠔任食，佢哋嘅生蠔都係日本岡山縣北木島出產，係香港少見有供應高質生蠔任食嘅餐廳。🙆🏻♀️佢哋有兩款任食級數選擇，$438生蠔放題或$538特選生蠔放題，價錢貴少少嘅係包括埋任食串燒、小食、炸物，而平啲嘅就無得食串燒，其他食品項目都係一樣咁豐富！============ヽ(○´∀`)ﾉ♪✰特選生蠔放題 $538/位（90分鐘）❥時令海鮮湯❥喜多嬉時令懷石八品❥任食喜多嬉生蠔▫️可選原味/柚子啫哩/辣椒蘿蔔蓉/蔥花/昆布漬/雞尾酒汁❥任食焗蠔▫️可選清酒煮/蒜味/辣蒜/麻辣/芝士/冬陰功 ❥任食時令串燒、炸物、小食 ❥牡蠣茶漬飯/手廷烏冬 ❥飲品任飲&甜品一份 🔸Sapporo生啤放題+$58🔸果酒/梅酒/燒酎/啤酒放題+$88============ヽ(○´∀`)ﾉ♪♡首先坐低佢會奉上海鮮湯，海鮮湯係用茶壺加火爐上，一路熱住唔會放到凍咗，飲嘅時候先斟出嚟，幾特別。湯料每日不同，今次蝦同埋蜆，都會另上俾你食埋。♡懷石料理八品非常之靚，打卡一流🥰 我都影咗好耐😌 店員介紹要順住個圈次序食：漬車厘茄、漬青瓜拌蟹肉、三文魚&帶子刺身、串燒鰻魚、大跟煮雞肉手打腸、明太子芝士焗薯蓉、牛油果吞拿魚蓉他他，最後先食中間嘅蟹肉羊羹🥰 ♡生蠔有六種口味選擇，我最鍾意係原味同埋柚子啫喱，生蠔好新鮮粒粒飽滿，食落好creamy，加咗柚子啫喱嘅好清新，可以食多幾粒🥰♡焗蠔一樣有六種口味，蒜味同辣蒜係我嘅至愛🥰 焗完都仲係好Creamy口感好好。♡任食嘅牛肉他他係必食推介！加咗特製醬汁同Wasabi，牛肉好嫩滑，我前後食咗6、7片🤭♡味醂魚乾同埋枝豆送酒一流🍻♡主食每人有一碗牡蠣茶漬飯或者手廷烏冬，我比較鍾意食茶漬飯，好多蠔一樣好鮮味😋 同朋友食烏冬，佢就話烏冬都好滑～♡唔飲酒嘅朋友可以飲花茶，我哋試咗兩款冷泡花茶清清地都唔錯。
continue reading
老公喺大前日(20-9-2024Fri)約同樣就嚟生日嘅男友人RK食生日飯,約咗前(21-9-2024Sat)晚,老公問佢呢間好唔好？佢答OK,於是我就經openrice book位.我同老公早咗少少到,坐低後,侍應介紹兩個送題嘅分別,貴嗰個係多咗串燒任食同甜品,亦叫我哋可叫嘢飲先,等齊人定咗要邊個放題至計時,咁我哋叫咗四季春青冷泡茶同白桃烏龍冷泡茶.兩杯味道正常偏淡.之後RK嚟到,侍應就即拎一壺時令海鮮湯,斟同舀晒啲料出嚟,未飲都已經嗅到佢嘅香味,飲落,味道好濃好味,湯料嘅蜆嫩滑冇渣;蝦就正常冇問題.我哋亦揀定貴嗰個($538.00一位)嘅放題,侍應就陸續上menu內固定菜色.2. 喜多嬉時令懷石八品賣相好靚,侍應快速咁講咗係咩嚟,之後叫我哋由喺自己正前方嘅車厘茄開始順時針咁食,最後至食中間嘅龍蝦肉羊羹.咁正式開動喇,頭三樣都正常冇問題,燒鰻魚就冇乜調味,好淡,要自己加鹽;之後嗰個係牛肉唔知咩,一食就覺得好乾,味道同樣清淡.然後嗰個唔記得係咩嘢,只知落得太多黑椒,都幾嗆;吞拿魚蓉都嫩滑嘅;最後嘅龍蝦肉羊羹都冇乜問題.3.任食喜多嬉生蠔侍應上住18隻先,有原味,柚子啫喱,辣椒蘿蔔蓉,蔥花,昆布漬同雞尾酒汁.除咗我覺得蔥花同昆布漬外,其他味道就清清地,就連辣椒蘿蔔蓉一啲都唔辣,不過我唔係咁鍾意昆布漬.4. 半打焗蠔味道有清酒煮,蒜味,辣蒜,麻辣,芝士,冬陰功. 我食咗一隻唔知咩味,覺得一般,同埋我已經覺得膩,所以放棄唔食蠔.然後自己掃QR code叫小食,炸物同串燒:枝豆都係白烚,冇乜落鹽.炸雞皮餃子擺埋喺焗蠔上,雞皮香脆,味道同口感正常.牛肉他他調味唔錯,但牛肉有渣.味醂魚乾趁熱食,味道唔錯.雞心串估唔到有內臟膻味,好難食.雞腎爽脆正常,冇問題.冬菇都正常冇問題.雞軟骨同秋葵我冇食到.吉列生蠔呢個都正常,外脆.大蔥車厘茄串正常冇問題.豬頸肉都幾夠味.牡蠣茶漬飯/手廷烏冬我同老公揀各一,啲飯偏細粒,牡蠣有啲似蠔豉;手廷烏冬好幼身,我覺得幾得意,而個湯偏麻油味多.雞腿肉串我係揀錯嘢,不過佢幾juicy,味道亦好夠.飲品方面,我同老公都有要柑桔梳打同荔枝梳打,前者味道唔夠,唔係咁好飲;反而後者清得嚟好味.最後上甜品,首先,生日會自動轉生日蛋糕,由於兩個人生日,所以寫兩個名同畫兩個公仔,講返件蛋糕,呢個應該係士多啤梨芝士蛋糕,味道唔錯.而正常甜品係蘋果梨呢個唔太甜,但唔係蛋糕,亦唔係批,又唔係撻,口感實粉,唔知咩嚟.味道係3.41分服務：喺openrice上註明“生日”，同唔覺意寫埋要窗口位,佢哋好快whatsapp我確定,重問我使唔使喺甜品上寫字同畫公仔?我問係咪免費?佢哋答係,咁就要啦.而我哋去到,佢哋真係俾咗窗邊位,重為生日佈置埋,真係好care客人嘅要求,之後我臨時請佢哋喺甜品上寫同畫多一個,佢哋都肯,唔錯.環境:個位係唔錯嘅,不過有啲熱.4.5分抵食係2.7分
continue reading
呢間店舖一早已經想試，襯有盛事慶祝，今次就決定嚟呢間食。餐廳分2種價錢，都係任飲任食，$438 （不包串燒）及 $538（包串燒），另加一服務費。環境舒適，職員有禮，全部食材新鮮美味，湯非常鮮味，八品擺盤好靚，生蠔超級無敵肥美 😍食了18隻, 大愛。 燒蠔也好味🤤 串燒及炸物也非常好食，飲品任飲（酒類除外），最後，飯和烏冬也非常好食，，上菜快，收碟快，又冇漏單。在 OpenRice 註明週年紀念，職員好細心提前一日問定，甜品要寫什麼字句，服務一流。值得推薦，愛蠔者，必須試試，我會再次去食。👍在 OpenRice 預訂，仲有九折添。 👏
continue reading
喺自助餐任食生蠔就試得多，不過日式嘅生蠔屋任食就真係第一次試。呢間生蠔屋位置喺正中環行人扶手電梯旁邊非常方便，內部裝修都唔錯感覺光鮮乾淨。佢嘅120分鐘任食套餐有兩款價錢：$438或者$538，主要嘅分別就係$538可以食埋任食串燒。咁我一心嚟食生蠔所以就叫咗個$438算喇。落咗order佢首先會嚟一個懷石八品同海鮮湯，製作認真賣相唔錯，味道幾好。跟住就係主菜任食生蠔啦，佢啲生蠔真係好新鮮好有彈性又大隻，除咗生蠔亦有焗蠔選擇，不過結論都係食最簡單調味嘅生蠔就係最好！另外佢嘅炸物同小食選擇就真係唔多，不過質素都唔錯，對我嚟講呢啲都係配菜試少少就得啦！我見隔離枱叫啲串燒都食得好開心，如果你淨係食蠔會覺得悶，咁叫個貴啲嘅套餐可能會食得開心啲😁
continue reading
我本身都好鐘意食生蠔又喺生蠔關注組見到好多group友都嚟呢度，仼食生蠔有兩個選擇，一個無串燒一個有係有，我就係太高估自己對蠔嘅喜愛揀咗無，老實講雖然都有其他小食，不過選擇少好多，真係食到有啲悶。食物質素同店員態度都幾好，如果下次再嚟我一定要食有串燒任食嗰個。呢壺海鮮湯除咗精緻仲奶鮮，好好味。時令懷石八品，好味，每款都刺激到味蕾。一開始店員會安排每人一隻唔同味道嘅生蠔，蠔係新鮮，不過其實食落每款分別唔大，我覺得食返原味最好。焗蠔，都係款款分別唔大。支豆。餃子都唔錯。炸蠔，炸雞翼。魚乾好味。生牛肉好味。每位一份主食，粥同粉。
continue reading
You may be interested in