紅米 (Closed)

平時甚少去大角咀，呢日咁岩去開嗰頭，先發現原來呢個小區都幾多食肆。行行下經過呢間餐廳，見裝修得幾靚幾新又大大間，原本以為係食韓國野，睇真啲個餐牌原來係咩都有得食，食物種類都幾多，港式西式日式韓式都包羅萬有。呢間餐廳環境幾好，鍾意佢啲位同枱夠大，坐得幾舒服，仲可以坐幾耐都得，不過我係食午飯既，晚飯就唔知有冇時間限制喇。餐牌上好多選擇，好多都好似好吸引咁，例如類似pepper lunch的鐵板飯、讚歧烏冬等，但我最後都係揀左蛋包飯。個飯份量不少，個蛋好滑，裡面係茄汁飯，幾有誠意，配肉丸同芝麻汁，都幾好食！不過由於個汁係凍既，搞到啲丸都凍埋。