順興茶餐廳 (Closed)

路過九龍城順興，至醒起一直都冇機會買佢自家製出爐麵包或奶茶。口痕見到麵包櫃內有滿滿嘅炸蛋球，就買一個嚐嚐新吧。炸蛋球索價$9.5一個，價錢唔係好抵。攞上手時微暖，急不及待咬一口，外面夠乾身，蛋味亦足夠，內餡亦尚算鬆軟。可惜食多一兩口，已經覺得油油地，成口都係油。我都明白炸蛋球，顧名思義，係用油炸架啦，但如果我可以趁新鮮出爐時，買一個食，食味應該更佳。我下次要食下蛋撻同凍奶茶，至可以比個更中肯嘅意見呢。