Patisserie Tony Wong (Closed)

姨媽週一壽辰，於會所內大宴親友，我地幾個後輩就送上生日蛋糕以示祝賀 。XO仔原本已鎖定「Patisserie Tony Wong」o既玫瑰花形蛋糕為目標。無奈姨媽話想食芒果蛋糕，所以就改選咗個「水滴形芒果蛋糕」 。網上表格明明寫出「水滴形芒果蛋糕」可揀磅半或兩磅，但當小肥向店員姐姐落單時指明要兩磅裝，佢就好唔客氣咁話此款蛋糕只有磅半裝，冇得揀兩磅 。見佢咁堅定，細佬當堂俾佢窒咗窒 ，起初真係以為自己睇錯架，不過因心有不甘，故即場上網查核，證實自己冇錯喎，就立刻展示俾姐姐仔睇，點知佢態度仍然不甚友善，好似我喺度白撞咁，講真如果唔係同姨媽傾掂要邊款蛋糕，相信小肥嗰刻已步出店門，另覓他選 。小弟愚見，一家餅店要吸引顧客光臨，除咗要靠特色o既靚餅打造出金漆招牌o既基礎之外，其實亦需要一班有禮o既服務生去支撐及鞏固。由於兩磅裝芒果忌廉蛋糕只可造出「正方形芒果花」，XO仔最終唯有妥協，棄選「水滴形芒果花」，並於預訂蛋糕時以現金付款。攞蛋糕嗰日，姐姐仔俾細佬驗證過蛋糕後，先擺入靚盒同透明袋內。芒果忌廉蛋糕（$680/兩磅）：以香芒砌出o既芒果花金光耀眼、鮮麗潤澤 ，食落都好清甜。兩層雪芳