Video
Read full review
2020-11-21
647 views
好耐以前喺台灣第一次食古早味蛋糕之後就好鍾意，但當時返到黎香港之後都冇乜地方有古早味蛋糕食，一路都好掛住。好彩近年香港越開越多古早味蛋糕店，我每次見到都會忍唔住買，暫時仲搵緊邊間先最貼近喺台灣食到嘅味道。今次去開黃埔呢邊，經過見到呢間古早味蛋糕，見到有啲幾特別嘅味道可以揀，一於就試下。老闆見我企喺到望住個餐牌掙扎咗咁耐，就同我講其實可以半份半份咁買，咁我就可以試多幾隻味。今次就買左日本蜂蜜柚子味同阿里山原味道。🍊日本蜂蜜柚子味（半條）$50蛋糕表面有柚子皮，食落去幾重柚子味。另外始終有蜂蜜，所以會比較甜少少，但呢個甜度唔會令人抗拒。咬落去都幾鬆軟，拎上手又唔會太油，幾好。🍰阿里山原味道（半條）$40第一次試呢間古早味蛋糕，冇理由唔試吓個原味嘅。原味蛋香十足，帶有微微嘅甜味。我個人鍾意呢個原味多過個柚子味。老闆都話舖頭最受歡迎嘅係原味、朱古力味同埋芝士味。走嗰陣見到師傅咁啱整緊四重芝士味，見到佢逐層逐層芝士加上去，勁吸引，超想買呢隻味，可惜未夠鐘出爐，唯有下次撞啱時間再黎買啦。雖然餐牌上有好多款揀，但老闆話因為每底蛋糕都要用1.5個鐘整，所以每個時間可能只有四五款可以揀，所以如果大家撞啱
今次去開黃埔呢邊，經過見到呢間古早味蛋糕，見到有啲幾特別嘅味道可以揀，一於就試下。
老闆見我企喺到望住個餐牌掙扎咗咁耐，就同我講其實可以半份半份咁買，咁我就可以試多幾隻味。今次就買左日本蜂蜜柚子味同阿里山原味道。
🍊日本蜂蜜柚子味（半條）$50
蛋糕表面有柚子皮，食落去幾重柚子味。另外始終有蜂蜜，所以會比較甜少少，但呢個甜度唔會令人抗拒。咬落去都幾鬆軟，拎上手又唔會太油，幾好。
🍰阿里山原味道（半條）$40
第一次試呢間古早味蛋糕，冇理由唔試吓個原味嘅。原味蛋香十足，帶有微微嘅甜味。我個人鍾意呢個原味多過個柚子味。老闆都話舖頭最受歡迎嘅係原味、朱古力味同埋芝士味。
走嗰陣見到師傅咁啱整緊四重芝士味，見到佢逐層逐層芝士加上去，勁吸引，超想買呢隻味，可惜未夠鐘出爐，唯有下次撞啱時間再黎買啦。雖然餐牌上有好多款揀，但老闆話因為每底蛋糕都要用1.5個鐘整，所以每個時間可能只有四五款可以揀，所以如果大家撞啱有自己想食嘅款，記得把握機會買呀。
買完之後，老闆將蛋糕放入盒嗰陣順便同我講，佢地嘅膠袋整得特別厚，又可降解，建議大家平時可以環保啲重用呢個膠袋。
Post
