豚燻 (Closed)

睇到雜誌介紹期間限定海膽拉麵，真係看見也心動！打電話去留定海膽，聽電話的哥哥服務好好！三人收工去鋪頭，唔駛排隊不特已，竟然一個人都無，可能係星期四啦，又或者附近太多麵店，競爭好大。一人一個海膽拉麵，真係成板海膽，好新鮮；麵既硬度可以揀，我要偏硬有口感的，唔錯！不過我最鍾意都係個蜆肉湯底，鮮甜美味，一隻隻細蜆食肉連湯，加啖海膽，簡直將工作煩惱一掃而空！我地仲叫左溫泉蛋，略咸。煎餃子，熱辣辣有肉汁流出，幾好。仲有叫左粟米粒，烤得好香，一黎已經搶食，無影低。海膽拉麵過左九月就無得食，好在有機會一試，希望下次黎試第二款。