花花世界. (Closed)

呢度最大嘅賣點就係靚！行入嚟真係好似行入咗個花花世界咁！周圍都係花又有花牆，又有花籠，場內仲有好多花嘅decoration，好fancy 淨係打卡唔使食嘢都可以玩好耐 行入少少仲有個private area可以同十個到既知己喺嗰度開個小party。私隱度好高我見個廚房唔係好大，但provide既menu選擇都幾多。先黎既南瓜湯，南瓜蓉都打得碎，好滑好香。無諗過飲品都上得咁快。呢杯係玫瑰牛奶，叫左少甜都仲係甜左D, 不過玫瑰味幾香。仲有成個presentation都幾靚！士多啤梨醬煙鴨胸～話明係用士多啤梨醬整，甜味係哂個鴨胸到，個配搭幾新鮮有趣。唔會焗到好lone, 仲有保持到肉汁。不過略嫌韌左D。呢個個presentation都係好靚既。份量多，食得飽。朋友叫既桂花ribs, 又係新式煮法。因爲係中式mix西式，同平時食既肉質，味道都好唔同。味道都幾新鮮，偏甜。份量都好夠食！呢個熱情果茶好好飲！！！唔會太甜太酸，果香味濃。飲落去暖粒粒，好舒服。而且可以沖好多杯。個茶壺仲係好似alice in the wonderland個D咁，好優雅。清一色女店員服務態度都幾好。今晩影左好多相！好開心