梁慶記

Open Now

Now Closed

澳門老字號「梁慶記」有百年歷史又獲米芝蓮推薦，今次一試位於北角既梁慶記招牌黑金沙鮑片安格斯牛蝦子撈$69餐牌甘寫： 用西式烘焙金沙興中式香蒜炒作點題，將招牌黑金沙秘醬溶入傳統撈麵！ 使金沙醬在麵上形成色澤豐富的沙丘，配合撈麵醬汁的層次感，令整碗麵在色香味產生多元難忘回憶。上碟賣相一般唔係好豐富勁多料既感覺。一咬麵，勁香蛋味夠煙靱，配埋蝦子，齋食麵都冇問題。睇返介紹原來係手打竹昇麵，採用澳門傳統做法，堅持人手打製，全用鴨蛋，沒有半點鹼水味！至不過金沙醬唔係好覺，亦食唔出有特別層次。安格斯牛薄薄有4片，剛熟牛味濃，好味。鮑片&炸三角形魚旦正正常常。整體賣相低調，實而不華。葡式樽仔焦糖咖啡 跟餐+$12用普通膠樽，唔似相片甘印有店名，感覺麻麻。焦糖好香，不過偏甜。