金源至尊炸醬麵

Open Now

Now Closed

我哋嘅好朋友兼合作夥伴從台灣過嚟香港公幹，由於佢住喺佐敦恆豐酒店，所以我哋約咗佢星期五晚喺佢酒店附近嘅金源至尊炸醬麵餐廳食晚餐😄我哋大概七點已經到達餐廳門口，唔使等位就可以直接入座 😄我哋一行三人，我叫咗蝦籽雲吞湯粉，合作夥伴就叫咗蝦籽雲吞湯麵，同事就叫咗古法牛筋腩湯粉😄 我同合作夥伴都覺得蝦籽雲吞味道好好😋，份量亦夠，無論係湯粉定係湯麵我哋都食得好飽☺️ 同事本身一向鍾意食牛，佢都覺得呢度嘅牛筋腩唔錯☺️ 由於合作夥伴舟車勞頓，我哋想佢有多啲湯水飲，所以我哋另外再叫咗個湯一齊飲☺️可能由於當晚我哋比較早入座，客人人數唔算太多，我哋可以悠悠閒閒咁傾偈，同埋享受我哋嘅美味晚餐☺️