Video
Read full review
2010-11-15
38 views
9月5日 ♥ 9週年快樂 ♥ 上個週年慶祝活動, 呀比就帶我去豪遊馬交~ 今年我地留港慶祝, 千揀萬揀比我地揀咗黎JW Marriot旗下嘅JW’s California食一個悠閒Sunday Brunch~ *w*除咗有好多擺滿buffet table嘅各式各樣冷盤甜品外, 大部份主食都係剔order紙入廚房即叫即做的! 咁不但可以保持食物新鮮熱辣, 亦都可以避免浪費食物, 呢個做法真係值得表揚~ 而且就算係即叫即整都唔洗等好耐~ good!::: 海鮮冷盤篇 :::一反常態, 今次buffet必先以海鮮冷盤打頭陣! 皆因大量多膏開邊龍蝦、肥美嘅阿拉斯加皇帝蟹腳、凍蝦、翡翠螺、青口… 全部都新鮮地向我招手~ 太吸引啦!!! 龍蝦都幾大隻, 冰鎮過後肉質更爽口彈牙, 味道鮮甜帶少許海水鹹味~ 很讚! 蟹方面除了蟹腳, 仲有啖啖肉嘅蟹鉗, 都鮮, 不過就略為鹹咗d… 記得要問waiter拎較剪剝蟹殼, 唔係真係咬到牙都崩! 凍蝦頗大隻味道亦鮮甜~ 翡翠螺亦屬中上水準~ 青口就一般般啦~::: 沙律頭盤篇 :::沙律方面分為自己揀材料或者預伴沙律款式. 自己揀嘅都係雜菜、番茄、青瓜、紅洋
上個週年慶祝活動, 呀比就帶我去豪遊馬交~ 今年我地留港慶祝, 千揀萬揀比我地揀咗黎JW Marriot旗下嘅JW’s California食一個悠閒Sunday Brunch~ *w*
除咗有好多擺滿buffet table嘅各式各樣冷盤甜品外, 大部份主食都係剔order紙入廚房即叫即做的! 咁不但可以保持食物新鮮熱辣, 亦都可以避免浪費食物, 呢個做法真係值得表揚~ 而且就算係即叫即整都唔洗等好耐~ good!
::: 海鮮冷盤篇 :::
一反常態, 今次buffet必先以海鮮冷盤打頭陣! 皆因大量多膏開邊龍蝦、肥美嘅阿拉斯加皇帝蟹腳、凍蝦、翡翠螺、青口… 全部都新鮮地向我招手~ 太吸引啦!!! 龍蝦都幾大隻, 冰鎮過後肉質更爽口彈牙, 味道鮮甜帶少許海水鹹味~ 很讚!
蟹方面除了蟹腳, 仲有啖啖肉嘅蟹鉗, 都鮮, 不過就略為鹹咗d… 記得要問waiter拎較剪剝蟹殼, 唔係真係咬到牙都崩!
凍蝦頗大隻味道亦鮮甜~ 翡翠螺亦屬中上水準~ 青口就一般般啦~
::: 沙律頭盤篇 :::
沙律方面分為自己揀材料或者預伴沙律款式. 自己揀嘅都係雜菜、番茄、青瓜、紅洋蔥、果仁等配料~ 醬汁亦有凱撒、醋汁、千島、honey mustard等選擇~ 沙律菜樣樣都幾新鮮, 清新! 另外一邊有d意粉沙律、薯仔沙律、青豆鴨胸沙律, 又有d芝士番茄、三文魚漬物、燒牛肉小碟等等任君選擇~
另外都想提下佢個cheese & bread table~ 有三、四款芝士, 連冷門d嘅blue cheese都有! 仲有麵包同餅乾提供~ 唔配芝士又可以搽牛油或者點d由塊蜜蜂巢板新鮮滴落嚟嘅蜜糖同食~ 呢種清甜味真係好獨特!
::: 必食翻本篇 :::
一定一定要食芝士焗龍蝦!!! 即叫即整, 毫不吝嗇嘅芝士份量加上油膏豐膩嘅龍蝦, 一定要襯熱食! 又香又惹味~ 忍不住要encore encore!!
龍蝦湯鮮味十足~ 都飲得過~
另一翻本物當然要數和牛肉眼! 牛味頗濃但油脂唔算多, 所以肉質偏韌唔夠入口即融, 但都值得一試嘅~ 另一款金蒜和牛卷味道都唔錯, 係乾咗d…
仲有香煎鴨肝~ 不過呢度d鴨肝唔算太高質, 油多咗d, 食一舊已經夠膩…
呢度d羊扒唔錯~ 羊味濃亦滲出淡淡羊羶味, 肉質鮮嫩!
其他熱食仲有海鮮雜菜烏冬、清酒煮蜆、照燒茄子、日式雞絲蒸蛋、芝士焗西蘭花、銀雪魚等… 太飽喇~ 都無試晒!
::: 刺身壽司篇 :::
有一部份刺身同卷物都可以喺sushi bar叫師傅幫你切同埋自己夾落碟. 刺身選擇都頗豐富, 有三文魚、鮮帶子、鮑魚片、甜蝦同吞拿魚等… d師傅都勁慷慨地切得勁厚比我地! 全部刺身都好肥美~ 好味! 其他卷物仲有炸蝦卷、加洲卷、鐵火卷等等, 樣樣細細卷咁可以比人逐一淺嚐~
嫌刺身卷物唔夠飽肚, 你仲可以剔order紙叫魚生壽司或者手卷~ 我地試咗個軟殼蟹手卷, 比平常size細, 但材料都落得足~ 味道都唔錯~ 另外仲有龍蝦手卷同加洲手卷以供選擇.
::: 日式熱盤篇 :::
呢度主打嘅係日式料理, 果然水準都唔差! 天婦羅系列有蝦、南瓜、茄子、番薯等雜菜… 雖然都係d大路野, 但勝在炸粉夠薄, 脆而不油~ 隻蝦都幾鮮, 蔬菜又夠新鮮~ 好味! 吉列豬扒唔油膩, 不過豬味唔太濃… 仲有d炸雞翼, 好似炸得燶咗d, 不過好香口! 日式餃子就普通d, 肉好實皮亦唔太脆~ 另外我地連薯條都試埋! 勁厚切~ 脆卜卜~ 正!
::: 甜品雪糕篇 :::
甜品種類唔算太多, 不過勝在樣樣都幾好味! cheesecake芝士味較清淡, 但質地夠綿滑, 好鐘意呢d cake~ tiramisu用嘅係薄身嘅蛋糕, 無乜咖啡酒味, 但忌廉芝士味道都唔錯! 朱古力蛋糕又厚又實超香濃~ 朱古力迷必愛! 仲有個拿破崙餅, 酥皮脆, custard filling甜度適中, 不俗~ 仲有肉桂味濃嘅 apple crumble、貝殼蛋糕、士多啤梨mousse、軟身曲奇等等… 仲有用玻璃杯上嘅咖啡mousse、綠茶朱古力杯等~ 當然唔少得呀菲嘅最愛HD雪糕!! 有朱古力、云呢拿、咖啡、綠茶同紅豆味. 正奇怪HD好似無紅豆味之時就被告知原來已經無紅豆味供應… d雪糕唔係一球球任你畢, 而係一杯杯迷你杯~ 雖則夠晒衛生但就好似唔夠一球球堂食咁enjoy喇~ anyway, 都係好好食!
::: 餐飲果汁篇 :::
除咗甜品外仲有新鮮生果如西瓜、哈蜜瓜、木瓜、菠蘿供應, 全屬無添加甜味, 果味自然! 另外又有一jar jar鮮榨西瓜汁、橙汁、芒果汁、西柚汁比你任溝~ 好味又健康!
最後buffet仲包一杯餐飲, 雖然已經食到好飽但都叫咗杯iced latte嚟試下~ 咖啡同奶味都夠濃! 不錯~ 另一杯凍檸茶茶味夠濃, 勝在夠晒凍!
全餐buffet最突出嘅一定係冷熱龍蝦兩食~ 可以食到兩種唔同肉質嘅鮮味龍蝦~ 同呀比不停encore! 真係淨食龍蝦都食到飽!! 其他食物都唔錯~ 不過就無想像中咁出色… 環境光猛企理, 但景觀只望向酒店門口客車落客區, 整體氣氛又唔算好浪漫… 不過作為一間五星級酒店, 服務真係十分好! 一家人嚟食Sunday brunch似乎更適合~ 但睇在我地十週年份上, 又嘆足一個relax下午, 已經值一個笑啦!
Post
