Cafe Whale

Open Now

Now Closed

今日幫襯Cafe Whale見到老闆喺度玩扭蛋機，於是就口多多問佢有乜野好食，佢叫我幫佢做吓白老鼠試吓呢個新菜式，就係松葉蟹肉蟹味噌配吐司，$108，老闆仲話為咗呢個新菜式專登買咗呢個重金屬蟹形碟。等咗10分鐘左右就有得食，賣相好有霸氣，個蟹蓋都幾大件，呢個菜式其實就係將D松葉蟹肉同埋D蟹糕釀入個蟹蓋入面然後攞去炸，原來蟹味噌就即係蟹糕，不過無求證到係唔係松葉蟹蟹糕。味道唔錯，而且好多蟹肉同蟹糕。上面插住嗰支係食大閘蟹用嗰D浙醋。至於份吐司其實就係用返佢地Burger個麵包砌薄片再烘乾身成為多士，搽D蟹肉蟹糕上去食，都幾正。