新滬坊 (Closed)

早排去到多年獲得Michelin Guide米芝蓮車軚人美食，香港會議展覽中心嘅新滬坊品嚐蟹宴，首先出場滬坊小碟：舟山頂級海蜇頭、涼拌海參、河鮮薰魚及麻醬西紅柿，食完開了個胃。花膠瑤柱蟹皇羮，超足料，不得了，直頭唔知點形容。(除非好大食，建議兩個人share食)上海古法蒸蟹鉗了，蟹鉗肥大肉厚，鮮甜無比，酒味香濃嘅鹹酸菜肉絲個汁，如果撈米粉食一流。蟹肉金汁豆腐，師傅建議大家兩款豆腐放埋一齊食，軟硬嫩滑，百感交集。芙蓉相思蟹，一次過可品嚐到蟹公蟹乸，蟹肉鮮甜肉嫩，加上煙煙韌韌的黑糯米，跟菜式名非常貼切。上湯時蔬，菜心爽脆，又可清一清味蕾。最後到高湯小籠包，每人一籠一隻高湯小籠包，皮算薄，肉夠嫩，一口KO了。甜點點了合桃露配湯圓、乳香櫻桃蛋糕，完美的結局。另外因粉紅十月，關注乳癌獻愛心，為響應「國際乳癌關注月」，凡在本月內(至10月31日)響香港會議展覽中心各餐廳惠顧粉紅美食或飲品，所有收益在扣除成本後將全數撥捐於香港「癌症基金會粉紅革命」。