奈良上釜 (Closed)

平時放工行過呢間餐廳門口都心思思，因為想食佢門口個張poster既蟹盛，可惜每次見到有人排就唔想等。不過要食都唔係無辦法既，就星期日晚上六點正入去。呢個時間唔駛排就入到，原來餐廳唔算好大，難怪咁多人等了又等。餐牌以釜為主(釜係熱飯，唔係平時食開既丼飯)。蟹盛 $298見到係期間限定仲要係全蟹當然要試下，頭盤已經有蟹，蟹天婦羅同松葉蟹腳。天婦羅炸粉唔算厚，而蟹腳已拆殼，仲有埋個挖，方便食裡面的腳肉，當然提供埋天婦羅汁同埋蟹醋。食完呢盤就上"正餐"，蟹釜飯有成個蟹蓋係度裝飾，都幾好睇。打開蟹蓋，除左熱辣辣既煙，就只看到飯的上面有蟹子，蟹膏同大量蟹肉。伴勻之後的飯好香蟹味，入口亦不會覺得太重味或太咸，整體蟹味尚算適宜。但最令我驚喜既係原來食到底會食到飯蕉，估唔到日式飯都會有食蕉。蟹鉗蒸蛋味道香，而且蒸蛋頗滑口，冬菇，蟹子，蟹鉗令蒸蛋食起嚟更豐富。最後仲有少少飯後果食下。幾有驚喜既一餐飯，對於平時食開丼飯既我真係好有新鮮感。