Video
Read full review
2015-03-26
2173 views
之前曾到訪過Su Casa Chilean Oyster Bar，不單生蠔新鮮，多款意大利菜亦煮得出色，所以，今回有朋友到其姊妹店Casa Pennington再搞局，毫不猶豫舉手報到 ，再嚟嘆一嘆生蠔鮮味！跟Su Casa不同，Casa Pennington嘅佈局好明顯要走更高檔次嘅路線。餐廳位處隆堡柏寧頓酒店內，晌酒店內開檔，本身個層次已一定有所升格，雖然環境裝修無咩過份奢華，但透過柔和嘅燈光，加上枱櫈鬆動嘅安排，已經變得喺一個富情調並讓人感到無拘束嘅用餐環境。當然，整個場以一入門口嘅巨型海鮮吧最為吸睛，因為各款生蠔、翡翠螺、車厘石蜆、巨型牡丹蝦、海蟄蝦、法國麵包蟹……等等海鮮都放得滿滿，真喺睇到都已經流晒口水 。順帶一提，海鮮吧嘅生蠔嚟自世界各地，有美國、南非、愛爾蘭、蘇格蘭、西班牙、紐西蘭、澳洲、法國……等，視乎來貨供應，每隻賣$55-$72，此外，3種級別嘅海鮮拼盤配餐酒（$528-$1,488）可供選擇，絕對滿足到「蠔」情壯志嘅食客 。 自選生蠔 一大盆冰鎮即開新鮮生蠔，隻隻肥大肉厚，當中由檸檬角順時針數起，由淡至濃，分別喺西班牙嘅Arousa、法國嘅Merma
跟Su Casa不同，Casa Pennington嘅佈局好明顯要走更高檔次嘅路線。餐廳位處隆堡柏寧頓酒店內，晌酒店內開檔，本身個層次已一定有所升格，雖然環境裝修無咩過份奢華，但透過柔和嘅燈光，加上枱櫈鬆動嘅安排，已經變得喺一個富情調並讓人感到無拘束嘅用餐環境。
當然，整個場以一入門口嘅巨型海鮮吧最為吸睛，因為各款生蠔、翡翠螺、車厘石蜆、巨型牡丹蝦、海蟄蝦、法國麵包蟹……等等海鮮都放得滿滿，真喺睇到都已經流晒口水 。順帶一提，海鮮吧嘅生蠔嚟自世界各地，有美國、南非、愛爾蘭、蘇格蘭、西班牙、紐西蘭、澳洲、法國……等，視乎來貨供應，每隻賣$55-$72，此外，3種級別嘅海鮮拼盤配餐酒（$528-$1,488）可供選擇，絕對滿足到「蠔」情壯志嘅食客 。
自選生蠔 一大盆冰鎮即開新鮮生蠔，隻隻肥大肉厚，當中由檸檬角順時針數起，由淡至濃，分別喺西班牙嘅Arousa、法國嘅Mermaid及Lambert（上層）共3款，每款6隻，幾款都喺店家是日推介嘅心水靚蠔，開蠔乾淨俐落，配以檸檬角、茄醬作為佐料。
Arousa (Spain) $623款生蠔中，以Arousa感覺較為輕盈易入口，因為蠔味較清淡，海水味輕，嫩滑而帶點黏。
Mermaid (France) $68
相對Arousa，依款嘅蠔味就屬於清甜，口感同樣帶黏，而海水味相對濃，卻又唔會太鹹。
Lambert (France) $72
蠔味最濃嘅Lambert，海水味突出，而且口感爽脆，餘韻悠長，食嘅人對此蠔都比較兩極。
由前到後：Arousa、Mermaid、Lambert
36 views
1 likes
0 comments
Sautéed Clam with Basil White Wine Sauce $ 178
上次晌Su Casa已經食過一次，今次再食水準依然。蜆隻肥大肉厚，鮮甜有咬口，滲出淡淡白酒及羅勒幽香，隱約中仲有點點蒜香。
Sautéed Clam with Basil White Wine Sauce
$178
47 views
1 likes
0 comments
Deep Fried Lamb Spare Rib $158 依道酥炸羊排極盡惹味，一條骨一串，最好搵手拎住食，肉質非常酥脆，羊羶味唔重，再加上可蘸點芥末蛋黃醬，甚有特色，啤一啤就一流啦 。
Deep Fried Lamb Spare Rib
$158
48 views
1 likes
0 comments
送上麵包籃，就知餐湯快上。真材實料、絕不欺場大致可用嚟形容個蠔湯，個湯本身唔止蠔味濃，質感亦都濃厚滑溜，啖啖生蠔鮮味，而且湯底仲放有一大隻生蠔，又無上次嘅偏鹹毛病，真喺好飲 。
Oyster Soup
$88
30 views
1 likes
0 comments
個黑松露湯一上枱，菌香四溢，皆因除咗以多種菇菌打成，仲加入少少黑松露油。而個湯嘅質感頗順滑，內裡卻仍保留微微菌粒，真喺每一啖都喺野菌精話 。
Black Truffle Mushroom Soup
$88
47 views
1 likes
0 comments
Hokkaido Scallop Angel Hair with Home-made Pesto $ 198
香煎得金黃嘅北海道帶子已經非常有睇頭，配以自家製羅勒醬煮天使麵，色澤養眼好睇。天使麵麵質唔錯，沾滿濃濃羅勒香味，帶子鮮甜爽口，啖啖肉；麵內仲有啲黑魚籽及雜菌，非常美味。
Hokkaido Scallop Angel Hair with Home-made Pesto
$198
27 views
1 likes
0 comments
意大利飯及野菌向來都喺小弟心水嘢，兩者走埋一齊，點會唔討我歡心吖。雖然整個飯醬汁稍多，但無損其味道，個黑松露忌廉汁充滿菌香，真喺香氣撲鼻，飯粒帶煙韌而有咬口，刨埋幾片巴馬臣芝士，真想再嚟多碟呀 。
Black Truffle & Porcini Risotto with Cream Sauce
$198
40 views
1 likes
0 comments
雖然喺法國春雞，但睇落唔細喎，比預期中大隻，但烤烘後肉質不失嫩滑。最特別喺雞內釀有栗子粒、免治豬肉及鴨肝醬……等等，所以，味道極為惹味，有朋友會覺得佢濃咗啲及膩咗啲，所以，減番少少鴨肝醬或者會平均啲。此外，伴菜亦咪錯過，尤其當中嘅烤蒜頭及紫薯蓉啊 ！
Roasted French Spring Chicken with Chestnut Filing
$348
70 views
2 likes
0 comments
就晌最後嘅甜品上場之前，嚟一杯鮮奶咖啡，確喺有助一陣食甜品嘅心情，而且，亦可以稍稍緩衝一下味蕾。杯咖啡無乜點拉花，但飲落香醇芳香！
Latte
$36
29 views
0 likes
0 comments
一件平平無奇嘅意大利芝士餅，加點龍珠果、士多啤梨、杏仁片裝飾吓，感覺可以好唔同。馬卡風芝士部份做得好軟滑，面層鋪滿唂咕粉，充滿可可香，不過，個人而言，就肯定略嫌手指餅浸得唔夠咖啡酒，所以咖啡香唔突出 。
Tiramisu
$88
35 views
1 likes
0 comments
Pear Tarte Tatin (For Two) $138 依個焗梨撻絕對值得推介，雖然賣到百幾蚊一客，但可以夠3-4人享用。梨撻以酥皮為撻底，放上啤梨，烘焗時再做出焦糖效果，認真焦香誘人 。梨撻甜度唔會太過，酥皮焦脆而又帶點煙韌，梨肉非常清甜，只食1/4件果真叫人意猶未盡 。
Pear Tarte Tatin
$138
41 views
0 likes
0 comments
跟上次Su Casa Chilean Oyster Bar用餐，同樣盡慶，因為品嚐到多款美食，而服務亦好到位。定價方面，似乎依邊較為進取啲，始終鋪租又喺每間食店所面對嘅問題。
Post
