Casa Pennington (Closed)

機緣巧合下知道呢間餐廳但可惜嘅係食完後佢就結業了。我同我朋友係勁鍾意生蠔 咁啱做緊buy one get one free 先食一打 再加馬 新鮮又甜！好好食😋嗌咗兩個湯，一個龍蝦湯一個蠔湯。濃味好飲，蠔湯仲有原隻蠔🦪主菜叫咗一個鴨肝意粉，同燒豬扒意粉配鴨肝好油香，個sauce 好creamy好好食。燒豬扒配蘋果醬從來都係絕配，酸酸甜甜唔會好漏。甜品叫咗一個pear pie 🥧 因為要即刻焗，要等20分鐘。個批外脆內軟，唔會太甜又唔會好酸 真係好好味😋成餐飯waiter 都會主動同我地溝通，所以整體感覺好好👍🏻

天氣熱，食下海鮮，係銅鑼灣區找到有生蠔嘅餐廳，無意中找到呢一間餐廳所以即興在電話中查詢book位，最後一張枱，6:30 上到餐廳，同 OpenRice 話環境一樣，服務員也友善，坐位安排 舒服，燈光光缐👍🏻，心唸終於找到間 落腳 地方可以 經常 book ，所紅酒🍷選擇 種類 ok ， 酒杯不是太差，正常，之後先試 生蠔買一送一，（當日有六款生蠔做推廣） 先試了 3 款，主要法國生蠔， 味道不過不失， 頭盤 order 了沙律菜，只有 菜味，沙律汁、芝士 略少，第二道蟹肉球紅桑子忌廉泡沫同蟹肉不是太來，第三道帶子意大利飯係 可以，M5和牛西冷有D失望，肉質太多血水，估計處理過程當中欠功夫，整體 一般

👨🏻‍🍳食物：生蠔係必食的， 有十幾廿款選擇， 有一半做買一送一， 又新鮮又大隻， 絕不唏場！ 朋友介紹意粉比肉類出色， 另外必食梨撻，我朋友本身腸胃唔多舒服都令佢有返胃口！ 每人食左半個成塊面咁大既梨撻！ 🏙環境：銅鑼灣旺中帶靜既 比較隱蔽，見到Firebird (日式串燒餐廳） 左面大廈/service apartment入口上電梯3樓就搵到。 風格低調， 燈光偏暗， 私隱度高。🤵🏻服務：非常體貼， 每道菜都換你換過新的餐具、 唔係淨係換碟啊！ 十分難得！另外，甜品寫上好靚既美術字Happy Birthday！💰價錢：買一送一生蠔最抵食！ 人均$300！ 仲可以做會員儲分！ 生日有甜品送！

2nd Anniversary 男朋友選擇了呢間餐廳，原因是因為我好鍾意食魚，而呢間既sea bass 好出名果然係不失望，鱸魚厚切大件唔在講，表面脆身，魚肉鮮味，嫩滑，充滿豐富既肉汁，配菜亦有驚喜，有紫薯蓉，露荀，蕃茄，配合起黎bravo,如果你本身都鍾意食魚，呢個一定無介紹錯另外，當日都叫左一個炒意粉，雖然簡簡單單，但味道都非常好😁訂位時，男朋友留了甜品，餐廳待應（我估應該是老闆）很有心思在碟上畫了非常之靚既畫花，好驚喜，估唔到餐廳有呢個額外service,而且推薦的柚子雪芭都好好味，清除油膩既感覺😋重有一點想提提係，我估係老闆既staff影相超專業，見到枱上面有紙巾，主動移走，免得破壞照片我構圖，值得一讚👍🏻👍🏻👍🏻

Father's day dinner爸爸最愛生蠔以前會揀自助餐任食到夠（我爸可以一個人食30隻呀🤦🏻‍♀️)而家反而覺得食d 有質素既蠔先係開心朋友介紹呢間蠔吧由於分時段 於是揀左8~10pm店面比想像中細左d蠔menu有好多款不過唔關我地事因為我地只係睇買一送一個6款😂爸爸偏愛creamy 或 爽口既蠔店員介紹左3款法國蠔：#JuliaMauger#FleurDesEaux (水中花）#Josephine3款都係啖啖肉！水中花海水味最重，Julia Mauger 少少海水味 ,大大隻～Josephine 最淡味但最滑，我地最中意呢款！於是不停repeat, 最後3個人食左3打蠔😂跟住先食正餐😂輕煎北海道帶子好香 帶子好軟熟好好食 不過有d 貴🙈白酒抄活蜆好鮮甜！個酒味亦岩岩好。正！西班牙黑毛豬扒好好食呀！肉質好正😍薯仔又香煎 好好食海膽蟹肉意粉食左3打蠔之後發現呢個份量唔多唔少岩岩好😂個汁都係有海膽但爸爸嫌面頭d 海膽唔夠多😂我地食個陣已經凍左少少（因為掛住食豬扒😂）如果趁熱食應該更加好味甜品叫左pear tarte 好大份 4個人食都夠lol熱熱的酥皮包住啤梨 面頭有d 焦糖好飽加

過海食西餐，朋友比餐廳名我個陣已經覺得好面熟，因為佢地有一個「畫家」廚師，響甜品碟上畫出滿分的畫作，記得佢比左一晚十分開心愉快的夜晚我，所以食飯除左食物外，同咩人食，遇到咩事都係一樣好值得紀念架唔講咁多我最遲到，無得話事叫咩食，朋友已經選好曬喇，咁就go ahead 啦先來兩打生蠔，兩碟一樣就影其中一碟，四款蠔分別係American Pacific , Arousa， La Magnifica, St VasstAmerican Pacific (USA）肉厚肥大，鍾意大大隻口感滿滿就試佢Arousa (Spain) 海水味濃，好creamy 肥dodo, 肉質爽口La Magnifica (France) 肉身飽滿，口感幾幼滑帶甜，粒帶子好鮮甜-要食埋呀St Vasst (France)海水味濃，蠔邊爽口，食完有甘甜味之後來左一客小食香煎芝士再來我同另一個friend encore 多三隻生蠔，Fleur Des Eaux, Sentinelle, American Pacific Fleur Des Eaux (France)- 又係法國蠔，食的時候先咸後甜，幾特別Sentinel

Pear tarte tatin $1⃣️6⃣️8⃣️ 9/10 見評論對呢個甜品意見兩極化，個人覺得係全晚highlight🌟，特別得黎又好食，鍾意酥皮唔好錯過❤️酥皮嘅牛油焦糖味極香，襯埋焗雪梨🍐嘅清甜解膩～ French duck foie gras $2⃣️2⃣️8⃣️ 7/10有心機亦有機心，心機在於配了幾高質嘅青檸🍋sorbet去膩，機心在於表層加左塊脆皮包住鴨肝，所以就算本身煎得唔脆，食落都一定係脆👨‍🔧Sea Urchin Pasta $2⃣️5⃣️8⃣️ 9/10 好難得食倒唔臭嘅海膽意粉🍝，海膽亦好夠份量，真系成碟每一條都有沾倒海膽，偶爾仲會食倒蟹肉🦀️食完有啲意猶未盡😋Spanish Iberico Pork $3⃣️8⃣️8⃣️ 5/10 唯一敗筆，呢個價錢食豬有啲期望，但果然係整得有啲柴同韌，不推薦❌好幾款蠔🦪做緊買一送一，選擇都幾多creamy又有濃味又有，平均$3⃣️5⃣️隻正正常常新鮮幾抵食咁👌

今日想食蠔就試下呢間,d蠔Buy1get1free幾吸引.疫情關係,三四點去冇乜人. servicing 好好,好照顧啲細路仔.叫咗個生蠔拼盤,有韓國, Scotland,France,Ireland 蠔. 蠔好新鮮,試曬全部,最鍾意一隻蠔叫josephine嘅最肥最creamy.就嗌咗多半打josephine.叫支白酒去配蠔,支酒就麻麻地啦,太薄身,唔ok. 再叫多兩個意粉lunch set,一個茄汁一個卡邦尼.兩個意粉都好好味.茄汁酸同甜好平衡.最後叫多個啤梨tart埋尾,呢個甜品就好麻麻地.糖水煮淋bet bet嘅現成酥皮,唔識欣賞.埋單千八蚊. 整體食物同服務都好好,對得起個價錢.

太太好想食蠔，但去開的蠔吧成日都唔開，唯有找其他試試。訂左枱中午十二點上到去，得一枱客，去到我走時連埋我地總數都係四枱客，真係生意難撈。坦白說，呢間餐廳係銅鑼灣但位置有少少吊腳，但真係好值得來食。食左五款蠔，侍應親切講解，令感受更佳。招牌蠔湯好味！其他主菜性價比好高，抵食！

在銅鑼湾想去高级寬敞西餐，因疫情關係，不願座位太擠擁。西餐我首選環境，以為佢酒店樓下，就是酒店餐廳，但裝修設計像一般酒吧餐廳，其實有點失望。看餐牌，紅酒杯裝只有一種$90，conrad~lobby, 都此價，質素外型還更好，生蠔價錢跟5星酒店一樣（看Sheraton蠔吧食評），好咗某幾種買一送一，就抵，陽陽抵唔住誘惑，爽，講蠔吧外貌，真係要執執，最少換咗塊透明板。帶子意大利飯$228，米生熟程度係及格，帶子鮮有彈，魚子卜卜，但pesto不濃，忌廉濃。Codfish意粉$188，鳕魚小粒與意粉撈埋，因汁有雅支竹略咸， 橄欖 ，什菌，較油，無忌廉，汁叫puttancesa,味道話鹹香酸辣非常豪放不矜持喎，但辣味不覺。海膽意粉$258，海膽2片，汁帶厚，少蟹肉，好油，蒜粒，份量小，saffron cream sauce,有藏紅花？又食唔出特别？以此價整體份量少，賣相質素一般，以我在中環及soho西餐經驗計，令我上次在喜來登吧真係抵，有内外兼備。

此店出名吃生蠔，性價比不錯，每天都有原本還有一家在銅鑼灣亨利中心，但已結業了一段小時間。生蠔新鮮，開蠔功夫也不錯。Arousa海水味較淡，爽口；La Magnifica海水味濃， 裙邊爽脆， 肉身較飽滿；Jolie Mauger中海水味較飽滿。Deep-fried Lamb Spare Rib羊骨有驚喜，夠香口沒有膻味。2人光顧，點餐如下：Namibia Buy 1 Get 1Arousa Buy 1 Get 1La Magnifica Buy 1 Get 1Jolie Mauger Buy 1 Get 1Ostra Regal Buy 1 Get 1Gillardeau Buy 1 Get 1Open Bev. - CHAMPAGNE VARNTERDeep-fried Lamb Spare RibClams Spaghetti加一後，合共HK$1,722。

每次想食生蠔就會諗起Casa Pennington，除了新鮮，仲因為夠抵食，因為會員食生蠔有買一送一優惠，係一間CP值很高的餐廳。他們的生蠔有很多選擇，有不同地方，不同味道，如果你只係想試幾只，但又拿不定主意，Waiter哥哥亦會問你喜好及好細心為你推介。除了生蠔，主菜叫咗西班牙黑毛豬，擺盤好靚，高級餐廳的水準，豬扒係可以按照我要求煎8成熟，肉質嫩滑，切開時有肉汁流出，再點少少醬料，好美味！至於蠔湯，上枱時熱辣辣，好creamy，好幼滑，蠔味好突出，好想一飲再飲！

抗疫行政午餐勁抵食🔸3-course Executive lunch $158🦪Oyster soup +$38🥠Pan seared foie gras with Mövenpick lime sorbet +$58 🐟Braised barramundi with potato and leek cream sauce +$48因為想振興經濟嗌咗全部都要加錢嘅嘢食蠔湯香濃到好似食咗100隻蠔咁煎鵝肝有一隻手掌長度煎得好好外表有少許焦糖化一切開即有香油流出更附送一球青檸雪芭清清喉嚨主菜忌廉汁燴爐魚魚肉好滑又係煎得剛剛好既表現配菜烤薯仔/法邊豆/翠肉瓜全部都好食.🦪Arousa (Spain) $72🦪La Magnifica (France) $78會員優惠所有品種生蠔買一送一arousa肉質新鮮爽口蠔味/金屬味較淡好適合新手去試.🥩Spanish iberico pork $388🍝Sea urchin and crab meat linguini $258另外兩道散嗌既主菜食完覺得物超所值烤豬完全唔乾肥瘦適中肉汁完全保留直至切開海膽蟹肉意粉掛汁又al dente每啖都有蟹肉.🍐P

早前喺Casa Pennington預約咗位同男朋友慶祝週年紀念 餐廳環境安靜又有氣氛 職員都好有禮貌又會主動為我地介紹唔同嘅生蠔同菜式 不得不讚佢嘅前菜 生蠔 主菜同甜品都非常出色 尤其係鴨肝意粉係非常之香 勁推！🌟Duck Foie Gras Linguini🌟Oysters🌟Pear Tarte Tatin

Had dinner there on 20 May 2020. There was a fan blowing strongly directly from behind which was 1 metre away… They should realize that it was not going to be comfortable for anyone. The table was also uneven, they put some paper underneath which fixed the problem. Food wise Oysters were not fresh, service was not up to standard. Other food was just so ordinary. I am not sure why the rating is so high on Openrice and Google… Overall very disappointment was the dining experience, never again for