Video
Read full review
2019-08-12
65 views
今日放工後男朋友俾左個驚喜我，就係book左呢間「蠔灣」同我食好野補慶祝七夕！心情好興奮，因為我都唔記得七夕呢回事，但男朋友竟然記得囉，仲要book埋檯食我地都好鍾意食既生蠔，確實加晒分!男朋友拍板叫左六款生蠔、帶子刺身、車里蜆刺身、西班牙紅蝦刺身同活龍蝦套餐，另外店員仲介紹左啱啱返貨半個鐘既皇帝蜆刺身同鵝肝多士。因為生蠔係即開同刺身係即切既關係，所以需要等候一段時間，而平日晚上七點幾陸續多人，好彩男朋友識訂位，因為差唔多到八點就已經坐滿左。我地首先食左刺身先，帶子肉厚新鮮; 紅蝦甘甜，記住要食埋蝦頭啲膏，好美味; 車厘蜆好飽滿，食到最尾個味先最出，好鮮味; 店員推介既皇帝蜆大大隻，好爽口鮮甜，群邊好有彈性。六款生蠔分別係South Africa Rock、Lambert、Majestic、Pousse en Claire、Gillardeau、La Perle Noire，款款都好新鮮好鮮甜，我個人最鐘意 South Africa Rock 同 Gillardeau，South Africa Rock 唔好睇佢細細隻，其實佢好肥美好飽滿，肉質鮮嫩，口感豐富，而Gillardeau有淡
男朋友拍板叫左六款生蠔、帶子刺身、車里蜆刺身、西班牙紅蝦刺身同活龍蝦套餐，另外店員仲介紹左啱啱返貨半個鐘既皇帝蜆刺身同鵝肝多士。因為生蠔係即開同刺身係即切既關係，所以需要等候一段時間，而平日晚上七點幾陸續多人，好彩男朋友識訂位，因為差唔多到八點就已經坐滿左。
我地首先食左刺身先，帶子肉厚新鮮; 紅蝦甘甜，記住要食埋蝦頭啲膏，好美味; 車厘蜆好飽滿，食到最尾個味先最出，好鮮味; 店員推介既皇帝蜆大大隻，好爽口鮮甜，群邊好有彈性。六款生蠔分別係South Africa Rock、Lambert、Majestic、Pousse en Claire、Gillardeau、La Perle Noire，款款都好新鮮好鮮甜，我個人最鐘意 South Africa Rock 同 Gillardeau，South Africa Rock 唔好睇佢細細隻，其實佢好肥美好飽滿，肉質鮮嫩，口感豐富，而Gillardeau有淡淡既海水味，好creamy，食新鮮生蠔落少少檸檬汁就已經好足夠。
鵝肝多士好香好好味，鵝肝煎到四面都焦香，內裡肉質入口即溶，多士脆卜卜，正!
活龍蝦套餐有龍蝦刺身、兩碗龍蝦湯同細既燴龍蝦意粉。餐廳選用原隻新鮮龍蝦，刺身肉質確實爽口彈牙; 龍蝦湯好濃郁足料，裡面有一大舊龍蝦肉，食完冷盤飲熱湯好舒服，熱辣辣好好味，而且好creamy;細燴龍蝦意粉，份量好多，我同男朋友都食唔晒，餐廳好細心地將龍蝦鉗拆左殻，龍蝦肉好彈牙啖啖肉，扁意粉煮到軟硬適中，連埋啲龍蝦膏一齊煮真係好味道。
餐廳除左生蠔平靚正之外，活龍蝦套餐個質素都非常好，誠意推介！
Post
