肥姐蠔餅婆

Open Now

Now Closed

一個悠閑嘅黃昏時段，經過人來人往嘅教育路，徘徊緊去B仔度吉串魚蛋定係肥姐度食炸蠔餅之際，最後因為午餐食唔飽，都係去食炸蠔餅比較滿足，由於時間尚早，排隊嘅人只有小貓三四隻，好快就到我點嘢食，其實喺元朗住左咁耐，都未食個肥姐嘅炸蠔餅，講起上黎都有啲慚愧，最後買咗一份炸蠔餅，盛為＄28 ，站立堂食。炸蠔餅皮脆內軟，蠔仔大粒，可以叫做蠔哥，唔係蠔仔，同埋冇平時食炸蠔餅嗰種好厚嘅粉漿感覺，加埋泰式嘅酸辣醬，酸酸辣辣嘅炸蠔餅特別惹味，唔鍾意食芫荽嘅朋友，點餐嘅時候記得同佢講走芫荽，臨走前仲要買返一支$25 嘅五花茶中和炸蠔餅嗰種嘅熱氣，減低自己嘅罪惡感。