Video
Read full review
2020-02-05
575 views
啱啱上返Openrice先發現原來依間嘢利用蠱惑嘅營銷手法呃錢原來已經唔係第一次。話説前日我地一家四口經過門口 見到有個午市特價套餐(星期一至五) 大約有10款套餐, 而價錢大約$5x-$7x, 咁我哋就入餐廳就座。其後店員A呢 就拎咗一個正價餐牌俾我哋睇咁我就問佢 請問有冇門口嘅特價餐牌店員A答: 無, 你照樣叫喇, 大部份嘅餐都有做特價, 到你埋單嘅時候我哋會計返個折扣價俾你。咁我當時就已經覺得奇怪, 如果我揀咗啲無特價既餐 到時咪要收正價 貴好多, 感覺好似想音人揀啲冇特價嘅餐咁, 因為正價嘅餐 其實同特價係一樣 只係價錢上有差別, 而且部份更差一倍價錢。咁為免揀錯, 咁我就再問佢有邊啲餐係特價, 佢就只係答咗三四款(事實上有10款起碼),而佢當中答咗一款話: 哩度有個牛肉火鍋 特價$78 (正價$148) 仲可以轉豬肉。如是者我哋叫咗三個套餐, 包括上述豬肉火鍋。其後店員B, 就拎住一個不知名餐牌 同 我哋睇嘅正價餐牌過黎同我地講: 你地想要邊隻火鍋 因為一個可以轉豬肉 而另一個唔可以,咁我哋答話要可以轉豬肉嗰嗰餐, 因為之前店員A 曾經指出 正價餐牌內嘅牛肉火鍋套餐係$78
話説前日我地一家四口經過門口 見到有個午市特價套餐(星期一至五) 大約有10款套餐, 而價錢大約$5x-$7x, 咁我哋就入餐廳就座。
其後店員A呢 就拎咗一個正價餐牌俾我哋睇
咁我就問佢 請問有冇門口嘅特價餐牌
店員A答: 無, 你照樣叫喇, 大部份嘅餐都有做特價, 到你埋單嘅時候我哋會計返個折扣價俾你。
咁我當時就已經覺得奇怪, 如果我揀咗啲無特價既餐 到時咪要收正價 貴好多, 感覺好似想音人揀啲冇特價嘅餐咁, 因為正價嘅餐 其實同特價係一樣 只係價錢上有差別, 而且部份更差一倍價錢。咁為免揀錯, 咁我就再問佢有邊啲餐係特價, 佢就只係答咗三四款(事實上有10款起碼),
而佢當中答咗一款話: 哩度有個牛肉火鍋 特價$78 (正價$148) 仲可以轉豬肉。如是者我哋叫咗三個套餐, 包括上述豬肉火鍋。
其後店員B, 就拎住一個不知名餐牌 同 我哋睇嘅正價餐牌過黎同我地講: 你地想要邊隻火鍋 因為一個可以轉豬肉 而另一個唔可以,咁我哋答話要可以轉豬肉嗰嗰餐, 因為之前店員A 曾經指出 正價餐牌內嘅牛肉火鍋套餐係$78 並且可以轉豬, 而且我哋係唔食牛肉。
到最後埋單嘅時候, 我哋發現所叫嘅豬肉套餐
收咗正價$148 再加一, 咁我哋就向店員查詢
然後店員B嘅意思就話: 原來佢攞上嚟嘅兩個餐牌, 一個就係正價餐牌, 而另一個呢 就係我之前問店員A 而佢答我無嘅 “特價餐牌”
店員B就直指 話有問過我地要正價定特價火鍋 而我哋就揀咗要正價火鍋 所以要收正價, 我就答佢係 店員A話 可以$78 牛肉火鍋轉豬肉, 之後我叫店員A上前對質。
點知店員A就答: 不嬲轉野都要加錢, 而且店員B 亦都有再向我地確認, 要邊個餐牌上既火鍋, 而你地揀正價餐牌內嘅火鍋, 所以要收正價錢。但係明明係店員A 指住正價餐牌話可以做特價 以及轉豬肉 我哋先同佢講話要嗰一款。而店員B 就一口咬定 話係我地自己揀, 已經confirm咗我哋, 但事實係店員A 誤導我地。
而且根本由頭到尾 都冇人提及過 我揀選嘅火鍋轉豬肉係要收正價, 而店員A 所謂”不嬲轉野要加錢” 佢從來冇講過, 亦冇講過加幾多錢, 同埋依家唔係價錢咁簡單, 係收多接近一倍錢, 收多$70仲要加一
最後三個餐 $5x + $5x + $148 再加一
埋單$29x, 佢哋堅持話係我地問題 以及誤會咗佢地, 最後我同佢地講 你地咁既營商手法 賺到我一次錢 我下次都唔會再黎。
之後再上嚟OpenRice原來仲有咁多Case 咁就更加肯定唔係誤會, 希望大家小心依間嘢。
Post