翠華餐廳 (H21商場) (Closed)

今日去行山前就去筲箕灣分店食個早餐先，未夠11點都坐無虛席，不過都係等咗5分鐘就有位。叫咗2個餐，B同D餐～＄35 B餐： 沙嗲牛肉麵配炒蛋連牛油豬仔包＄38 D餐： 五香肉丁麵配菠菜炒蛋連牛油豬仔包翠華早餐一向我至LIKE 個炒蛋，因為個蛋真係幾嫩滑～但圖片所見個炒蛋好似少咗一部分咁，分量與平時黃埔分店比較亦相對地少。味道方面，都仍然咁嫩滑～菠菜炒蛋只見到有菠菜絲但小妹實在唔太食到個菠菜，炒蛋都基本上炒到無咩蛋汁，有點失望 牛油豬仔包，上枱時仲熱的而且牛油比例剛剛好，熱辣辣既包的確加唔少分數！2款麵都是公仔麵，不過上枱時都仲有D硬所以要浸多少少，味道還好。