Video
Read full review
2023-12-28
105 views
今日悶悶地同老婆 BB 去東涌東薈城 outlet 睇吓有冇啲咩買，行行吓都夜啦，又有啲肚餓咁就入咗去六小館食嘢，餐廳環境寬敞明亮，裝修雅致，都唔錯都幾靚，梳化啊凳啊都幾舒服，慢慢坐都 OK，畀人一種舒適放鬆的感覺。侍應態度親切友善，笑容滿面地迎接客人，對於食物的介紹都非常熱心，去果陣時都唔算多人，可能真係聖誕新年長假期，好多人已經離開香港去咗旅行玩呀，咁變咗留喺香港消費啲人少咗，食飯都唔使點等位。睇吓個繽紛聖誕二人套餐個 Menu 真係嚇鬼死你，法式牛油烘焙軟殼蟹伴蔥油墨魚汁麵，吓前菜 ?? 不過奇怪在佢上咗乳鴿先，紅燒開邊石岐乳鴿，呢個真係唔錯喎，食得出係即燒即上皮脆肉嫩多汁好味。到前菜，食完都已經飽到想嘔咁滯，可惜冇軟殼蟹，變咗做炸魷魚鬚，不過前菜唔係牛油焗就會好啲囉。跟住個法式拆蟹鉗肉龍蝦湯，個龍蝦湯都幾濃味嘅唔錯，龍蝦鉗肉幾鮮甜，食落都爽口，個湯幾醬口嘅唔錯。再嚟巴蜀燒紐西蘭頂級羊鞍架，燒羊架都幾好味唔錯，羊肉冇羶味，不過巴蜀香料就好似擺埋落去燒就會好啲囉，跟住到鑊仔金盞紫羅和牛肉，炒牛肉都幾甜唔錯，係有少許輕微韌，配菜啲三色椒子薑菠蘿酸酸甜甜都幾好味嘅。迷迭香金湯煮龍躉斑球
睇吓個繽紛聖誕二人套餐個 Menu 真係嚇鬼死你，法式牛油烘焙軟殼蟹伴蔥油墨魚汁麵，吓前菜 ?? 不過奇怪在佢上咗乳鴿先，紅燒開邊石岐乳鴿，呢個真係唔錯喎，食得出係即燒即上皮脆肉嫩多汁好味。到前菜，食完都已經飽到想嘔咁滯，可惜冇軟殼蟹，變咗做炸魷魚鬚，不過前菜唔係牛油焗就會好啲囉。跟住個法式拆蟹鉗肉龍蝦湯，個龍蝦湯都幾濃味嘅唔錯，龍蝦鉗肉幾鮮甜，食落都爽口，個湯幾醬口嘅唔錯。再嚟巴蜀燒紐西蘭頂級羊鞍架，燒羊架都幾好味唔錯，羊肉冇羶味，不過巴蜀香料就好似擺埋落去燒就會好啲囉，跟住到鑊仔金盞紫羅和牛肉，炒牛肉都幾甜唔錯，係有少許輕微韌，配菜啲三色椒子薑菠蘿酸酸甜甜都幾好味嘅。迷迭香金湯煮龍躉斑球，咁呢個就基本上係等於高湯煮魚囉，魚味反而真係唔係好出，個高湯又冇乜味，但係都幾大嚿幾抵食嘅。咁個餐都有個菜食吓，金銀蒜魚仔咁樣蒸嘅娃娃菜，幾香口幾甜唔錯嘅，到個主食就係香煎帶子黑松露炒飯，不過黑松露味唔係好出，我唔食黑松露都唔覺得佢有黑松露味咁，個帶子可能未解晒凍就去煎咁變咗冇乜味，但係個炒飯就炒得幾乾身又唔濕嘅，最後個甜品，應該係藍莓汁爆珠芒果汁奶凍，咁好似啲好大粒嘅魚子咁樣樣爆珠，好香好甜。
最尾埋單都唔係話好貴，埋一加埋茶錢唔過千，咁多野食，價格相對合理，用餐環境舒適，適合同家人朋友一齊黎，放BB車都方便。
總結來說。如果您在東涌附近，不妨去六小館一試。
Other Info. :
有個姐姐就應該可能新來嘅，不過就快手得滯啦成日上錯嘢，佢唔係慢㗎係好快㗎佢斟酒斟得好快上得好快，不過佢就斟咗杯原價嘅容量俾我，但套餐版本嘅容量應該係少D，不過就佢都好熱心嘅，俾人鬧好慘。
(The above review is the personal opinion of a user which does not represent OpenRice's point of view.)
Post
