Boire et Manger (Closed)

同朋友去修頓球場旁邊電腦中心買完野，原本諗住慢慢行返去金鐘太古廣場先食野，行到軒尼詩道見到有間裝修都幾靚既Boire et Manger，睇埋餐牌都算岩食所以就決定入去食，餐廳主打法國菜，環境悠閑舒適，以Tiffany Blue主色望落去唔會好俗。第一次試牛臀腰肉呢個部位， 都幾大塊同厚肉，牛臀肉脂肪較低，而且肉質柔軟，連同個汁都香濃，同牛臀肉都好match!至於甜品係法式可麗餅，有多款味道可供選擇，有焦糖、蜜糖、朱古力等等。而我哋就揀咗雜莓味，餅皮薄身又帶蛋香味，配埋雜莓，令人簡直難以抗拒！