瓏門小廚 (Closed)

大圍火車站一出行過對面右手邊街，見到新開搵食市集, 行上去望過以food court 型式唔多吸引就走了，再行前少少見到瓏門小廚門口有6,7個人等位，更係望下點解咁多人等，原來係食上海菜就試下啦，進去先同老板娘講兩位，她就比左張人手寫的排位紙我，一望我係1號2位，原來門外那些人唔係等位其實係等緊外賣拿走。好快就有客出來，我哋就可以進去坐，細細間店都係用方枱併枱，我哋點了上海排骨+擔擔麵(小辣)套餐$46 (可選菜飯或米線擔擔麵等)，上海排骨炸得夠香脆，擔擔麵湯底可以飲到因不會太濃郁，酸辣湯大碗$40 味道夠酸不會太辣，小龍包$35有4隻，皮厚度適中未算簿但肉汁都夠鮮甜，木耳青瓜$35 酸辣味道ok，青瓜夠脆口但未夠入味，豆漿$8支不會太甜，黑芝麻豆漿$8有芝麻香味，但都係原味豆漿好飲啲，全店無加一最後埋單$176，以街坊小店夠經濟抵食，整體味道和價錢可以收貨啦，唔怪之得門口咁多客等外賣啦。