荃灣鍋貼大王 (Closed)

今日放假一個人，瞓醒後就落街搵野食啦，唔想行咁遠咁就去楊屋道街市附近果間荃灣鍋貼大王試下啦！餐廳主要都係做下街坊生意，提供麵，鍋貼，飽點食物。咁我就坐低啦，望下個餐牌有咩食，發覺食物款式都多，同埋都啱自己口味，最後就選擇左韭菜水餃麵，鍋貼5隻同埋一杯熱豆漿。豆漿就當然係最快到啦，暖暖地，可以即時入口，好香豆味，同埋唔係太甜，健康有益。跟住就到鍋貼啦，煎得好香，裡面料係肉得菜少，個皮厚厚的，煎到好脆，裡面又多汁，平靚正。跟住到韭菜水餃麵，店舖係用真正上海幼麵，身為上海仔嘅我就一定知道，唔好睇佢個湯好似白白地色好淡咁樣，其實都幾夠味，而如果想濃味一點，可以加由餐廳提供嘅豆瓣醬，而韭菜餃也非常足料，每隻餃子都包到大大隻，一個人食咁多野就真係好滿足，會再黎幫襯。