Video
Read full review
2017-05-05
95 views
新蒲崗呢就係好多好食嘅嘢，但係其實就好少日本餐廳，雖然赤山屹立新薄崗多年，但其實今日都係第一次試。裏面裝修係簡簡單單的類型，幾整齊的感覺。而且一內進佢哋幾個職員就同時向我哋打招呼，未食已留了一個不錯的印象。食日本料理，又有幾個人陪我一齊食，一開始就點個刺身七點盛同大家飽口福先，見到豐盛嘅刺身放滿成個刺身盤，而且層次得好整齊，望落去吞拿魚，油甘魚，三文魚都好肥美，已經覺得好幸福，而且我嘅最愛，加拿大海膽穩如泰山咁坐在一旁為呢個刺身七點盛坐陣，加拿大海膽味道濃郁而且香滑，讚！甜蝦，赤貝，蟹棒亦都好鮮甜，價錢相宜，只係＄288 !再食個冷豆腐，滑滑的豆腐加上芝麻醬，好好嘅餐前小吃！未試過食咁多木魚的燒茄子，木魚少少鹹的味道原來同燒茄子好配合，乾乾的木魚，混着軟林林的茄子一齊食，口感亦都好特別。重點推介赤龍卷，聽個名已經好威猛！原來個賣相亦都真係好似成條龍咁！其實呢一個赤龍卷，價錢都係唔貴的（$78），但係用料就毫不吝嗇，飯卷之上唔單止有甜蝦作為鮮味的中流砥柱，上面仲有海膽在口感上在味覺上成為濃郁的衝擊，海膽之上又有魚籽作為顏色的點綴，亦都為呢兩款鮮美的材料領先作為一個鮮味的前奏。燒牛舌的醬汁
裏面裝修係簡簡單單的類型，幾整齊的感覺。而且一內進佢哋幾個職員就同時向我哋打招呼，未食已留了一個不錯的印象。
食日本料理，又有幾個人陪我一齊食，一開始就點個刺身七點盛同大家飽口福先，見到豐盛嘅刺身放滿成個刺身盤，而且層次得好整齊，
望落去吞拿魚，油甘魚，三文魚都好肥美，已經覺得好幸福，而且我嘅最愛，加拿大海膽穩如泰山咁坐在一旁為呢個刺身七點盛坐陣，加拿大海膽味道濃郁而且香滑，讚！甜蝦，赤貝，蟹棒亦都好鮮甜，價錢相宜，只係＄288 !
再食個冷豆腐，滑滑的豆腐加上芝麻醬，好好嘅餐前小吃！
未試過食咁多木魚的燒茄子，木魚少少鹹的味道原來同燒茄子好配合，乾乾的木魚，混着軟林林的茄子一齊食，口感亦都好特別。
重點推介赤龍卷，聽個名已經好威猛！原來個賣相亦都真係好似成條龍咁！其實呢一個赤龍卷，價錢都係唔貴的（$78），但係用料就毫不吝嗇，飯卷之上唔單止有甜蝦作為鮮味的中流砥柱，上面仲有海膽在口感上在味覺上成為濃郁的衝擊，海膽之上又有魚籽作為顏色的點綴，亦都為呢兩款鮮美的材料領先作為一個鮮味的前奏。
燒牛舌的醬汁夠晒濃郁，而且燒得好救火候，片牛舌燒得好香，我個仔食完一舊又一舊。
如果我再來，我必定會再點呢個金菇肥牛卷，嗰篇牛肉唔單止好香，緊緊地包着的金菇亦都很爽身，同時吸收了牛肉汁同埋醬汁的味道，好正。
比目魚都不錯，呢兩件比目魚好似東歪西倒其貌不揚，其實食落去口感幾特別，唔同其他魚，而且比目魚滲出來魚脂，好香滑，加上呢款醬汁，更加美味。
鰻魚炒飯，我覺得比較特別的地方就係佢哋炒飯之中加了細碎的金菇，令到炒飯之中食到香軟的鰻魚粒之際，亦都食到少少爽口的金菇，口感不錯
整體來講我覺得赤山的菜色各方面都不錯，好值得再來，性價比幾高。
Post
