Video
Read full review
2018-03-13
502 views
路過見呢間粥店大排長龍，開頭仲以為係茶餐廳，問左住鰂魚涌既朋友先知呢間係區內聞名既食店，自設工廠即炸油炸鬼，性價比極高。 講到咁，要排隊都要試下啦。店外長期人頭湧湧，分左外賣同堂食兩條龍，見唔少公公婆婆都有黎排。 我今次就等左半個鐘，由於係圓台，無論人數幾多都係跟排隊次序安排，感覺唔錯。炸両 ($16)朋友話呢個係唔正常既油炸鬼，我同意。 咬落去既一瞬間，感覺到自己切斷左無數極其纖細香脆既纖維網絡，咀嚼到既只有極薄既脆片，完全冇麵粉既煙韌或油膩感，食過既人都認同，此物只應天上有，不枉我排左半粒鐘。牛肉豬潤粥 ($37)第一次見有瑤柱絲既粥底，係咪特別甜真係答你唔到，因為生滾牛肉豬潤呢個組合本身已到鮮甜到極點。 厚切豬潤僅僅熟，個人認為可以再嫩滑少少，牛肉就新鮮大塊冇咩好挑剔。 充滿肉香既淺黃粥底係廣東粥既稠度，攤凍左會有少少變稀但可以接受，食到尾仲有大量瑤柱絲，好滿足。留意到其他粥款比較細兜，只有兩個飯碗份量既粥，但有牛肉既粥就大一個碼。 慶幸自己叫左牛肉粥，唔係可能唔夠飽。店內只有幾張台，坐得唔算迫。 好鐘意老闆娘超強既親和力，由熟客去到遊客都搭到幾句咀，尤其對老人家好貼心，見佢地拎
店外長期人頭湧湧，分左外賣同堂食兩條龍，見唔少公公婆婆都有黎排。 我今次就等左半個鐘，由於係圓台，無論人數幾多都係跟排隊次序安排，感覺唔錯。
炸両 ($16)
朋友話呢個係唔正常既油炸鬼，我同意。 咬落去既一瞬間，感覺到自己切斷左無數極其纖細香脆既纖維網絡，咀嚼到既只有極薄既脆片，完全冇麵粉既煙韌或油膩感，食過既人都認同，此物只應天上有，不枉我排左半粒鐘。
炸両
$16
17 views
0 likes
0 comments
炸両
$16
14 views
0 likes
0 comments
炸両
$16
8 views
0 likes
0 comments
牛肉豬潤粥 ($37)
第一次見有瑤柱絲既粥底，係咪特別甜真係答你唔到，因為生滾牛肉豬潤呢個組合本身已到鮮甜到極點。 厚切豬潤僅僅熟，個人認為可以再嫩滑少少，牛肉就新鮮大塊冇咩好挑剔。 充滿肉香既淺黃粥底係廣東粥既稠度，攤凍左會有少少變稀但可以接受，食到尾仲有大量瑤柱絲，好滿足。
牛肉豬潤粥
$37
18 views
0 likes
0 comments
牛肉豬潤粥
$37
13 views
0 likes
0 comments
留意到其他粥款比較細兜，只有兩個飯碗份量既粥，但有牛肉既粥就大一個碼。 慶幸自己叫左牛肉粥，唔係可能唔夠飽。
店內只有幾張台，坐得唔算迫。 好鐘意老闆娘超強既親和力，由熟客去到遊客都搭到幾句咀，尤其對老人家好貼心，見佢地拎得多野會主動幫佢地放好係拎飛位個櫃，一路聽佢地對話都覺得好溫暖。
呢度不定時店休，每日亦有特價粥賣~$20，詳情會係門口公佈，慕名而來既朋友就要睇彩數喇。 我絕對有衝動帶朋友黎見識下個油炸鬼！
Post
