湯品小棧 (Closed)

喺奧運站行去餐廳，大約十五分鐘，唔洗半個鐘，都算方便，入到去，店舖好細，雖然麻雀雖小，但五臟俱全，為左個湯，算啦，不過下次最好叫外賣。前菜有泡椒木耳，木耳預先浸落醋同辣椒度，酸酸辣辣既口味好醒胃播，而木耳就夠爽。另外仲叫左份上湯水餃，水餃被湯入晒味，餡就充滿晒湯既味道，而且大大舊夠晒漲。松茸燉湯好大陣中藥味，唔係個個都鍾意飲，不過我就幾鍾意，湯中有淡淡既松茸味，湯料有大大舊豬骨，鍾意食湯渣既人就啱哂，可以食埋舊豬骨，而成個湯基本上係補身調肝，補腎強身，絕對適合我呢個平時煙酒較多既人。湯跟一個米粉，加埋湯渣同湯食就啱啱好夠飽，今日個主角係個湯，個湯夠料就滿足啦。個湯係幾好飲既，如果地點再方便d會更加好，如果有時間，都值得去一去飲個靚湯既。