COBALT

Open Now

Now Closed

住大角咀20幾年，搬走近兩年，最懷念區內高質素餐廳。今次同舊朋友聚會，特別探索一下新餐廳餐廳位於利得街，由大馬路轉入橫街，都要行入內街多幾步，一唔留神分分鐘淹沒喺車房之中，經過左都唔知一入門口別有洞天，一個大酒櫃，好有格調。餐廳座位闊落，坐得舒服，氣氛好適合同朋友飲嘢傾偈👍有自選set lunch同散叫，侍應姐姐好主動推介餐點，我就聽佢嘅建議，叫咗 香煎鵝肝牛肝菌闊蛋麵（$158）朋友想食牛扒，嗌咗紐西蘭肉眼扒（$158）跟餐有湯或沙律，同埋嘢飲，朋友叫咗咖啡，而我就叫咗杯House white($68)侍應姐姐嘅推介非常好，鵝肝煎得啱啱好，表面脆口，裏面充滿油香，醬汁有菇菌香濃而不膩，厚身嘅闊蛋麵有咬口，成個配搭非常出色，食完念念不忘👍肉眼扒medium Rare啱啱好，牛肉味香濃。特別要提，配菜亦都做得10分出色，薯條係熱辣辣炸起，外脆內軟，薯味香濃食完未夠喉，叫多個水牛城雞翼，雞翼炸得香脆有肉汁，醬汁酸辣比例剛好最後叫咗焦糖布甸（跟餐+$38），呢個布甸同出邊食開彈下彈下嘅有啲唔同，佢係比較厚實嘅質地，好似芝士蛋糕咁，蛋味濃郁，最重要係，唔會太甜食飽之後，同侍應姐姐吹水，先發現，