Video
Read full review
2010-08-12
53 views
今期飲食男女將呢間同銅鑼灣新開的南海少爺做比較寫到呢間除咗飯, 不論係雞, 醬料同格價都要優勝, 咁梗係要嚟試吓啦~鋪頭個位真係幾蝦人揾, 如果我唔係睇咗本雜誌, 真係一世都唔會識得行入去$33一個雞飯, 加$4可以有嘢飲, 肉骨茶都係$4海南雞超滑, 滑得嚟啲皮又唔係痴住好多肥膏, 有雞味雞飯好香口, 一啲都唔油, 食咗第一啖後就唔想再停醬料方面, 薑蒜磨得好幼細, 個辣醬酸辣平均, 點雞好好食!飲品方面, 因為我其實未食過肉骨茶, 所以唔評論佢做得好唔好喇但覺得味道幾濃, 有藥材香, 色水亦對辦鋪頭地方細, 數埋5張枱, 食得就預咗要搭枱, 但叫企理乾淨唔佑係咪出咗名, 今日食咗半個鐘, 堂食一直滿坐, 連外買都做到未停過雖然鋪細, 但員工亦唔多, 流面得2個, 廚房我諗得一個, 所以出菜都出得幾慢特別係人多嗰陣, 連外賣都唔係好做得切, 想食就要俾小小耐性了如果2個人食, 我建議可以要半隻雞再散叫雞油飯因為2個雞飯都$66, 半隻雞好似$60幾, 俾多$20倒可以食多啲雞但如果自問係飯筒就另計啦, 因為叫雞飯係可以雞油飯任添的 (雜誌講架)順帶一提, 呢間鋪星期六只開半日, 星日
寫到呢間除咗飯, 不論係雞, 醬料同格價都要優勝, 咁梗係要嚟試吓啦~
鋪頭個位真係幾蝦人揾, 如果我唔係睇咗本雜誌, 真係一世都唔會識得行入去
$33一個雞飯, 加$4可以有嘢飲, 肉骨茶都係$4
海南雞超滑, 滑得嚟啲皮又唔係痴住好多肥膏, 有雞味
雞飯好香口, 一啲都唔油, 食咗第一啖後就唔想再停
醬料方面, 薑蒜磨得好幼細, 個辣醬酸辣平均, 點雞好好食!
飲品方面, 因為我其實未食過肉骨茶, 所以唔評論佢做得好唔好喇
但覺得味道幾濃, 有藥材香, 色水亦對辦
鋪頭地方細, 數埋5張枱, 食得就預咗要搭枱, 但叫企理乾淨
唔佑係咪出咗名, 今日食咗半個鐘, 堂食一直滿坐, 連外買都做到未停過
雖然鋪細, 但員工亦唔多, 流面得2個, 廚房我諗得一個, 所以出菜都出得幾慢
特別係人多嗰陣, 連外賣都唔係好做得切, 想食就要俾小小耐性了
如果2個人食, 我建議可以要半隻雞再散叫雞油飯
因為2個雞飯都$66, 半隻雞好似$60幾, 俾多$20倒可以食多啲雞
但如果自問係飯筒就另計啦, 因為叫雞飯係可以雞油飯任添的 (雜誌講架)
順帶一提, 呢間鋪星期六只開半日, 星日期休息
平日開到9點, 但我今日食完未夠7點, 已經聽到佢話賣淨半隻雞
所以想食真係要早啲嚟喇~
Post