成都小巷米線雞煲 (和富道) (Closed)

北角和富道一向都係揾食好地方，短短一條街， 中西日韓、港式、潮州野樣樣有齊，梗有一款啱食。成都小巷米線雞煲，入去之前以為只有雞煲，坐低先發現重有烤魚食，價錢一樣好經濟，每位只係 $138 起就可以任飲任食個半鐘。轉軚食左咗烤魚，轉鱸魚只係每位加$10，湯底重有酸菜同麻辣兩款選擇。烤魚大大盤原條上，我同朋友都嘩一聲🤭食魚最怕唔新鮮有腥味，呢條魚肉質結實，食得出鮮味，鱸魚表面重煎得香脆，索左湯汁少少辣，好惹味。配料有金菇、娃娃菜好索味，大量芫茜🌿啱哂芫茜控👍🏻烤魚分量十足，兩個女仔其實淨係食佢都夠飽🤭自助區重有各款丸子、肉片、蔬菜🥬配料同麵食，真係百令蚊飽到捧住個肚🤣值得一讚係配料區啲食材質素都唔錯，蔬菜都好新鮮👍🏻一路食烤魚一路傾計，不知不覺飲左幾罐飲品，自助飲品櫃各款飲品都係任飲，連啤酒都係！鍾意啤一啤嘅朋友會好開心！❤️雖然係街坊食店，但餐廳環境唔錯，梳化卡位都有，整潔光鮮，坐得幾舒服。呢個價錢任飲任食，非常超值，如果住係附近應該會經常幫襯😊