羅粉世家 (Closed)

作為長沙灣嘅街坊，我好留意附近有咩新食店開張～呢間「羅粉世家」都算新新地，唔係開咗好耐～主打江西米粉同埋瓦罐湯～而江西米粉即係米線，同平時雲南個種又有啲唔同～少一份粗彈，多一份幼滑～而且佢地嘅米線份量真心多，如果細食嘅朋友可以開心share~「🥚土雞蛋炒肉碎拌粉配黑蒜肉餅瓦罐湯」重口味嘅朋友一定要試試👍🏻👍🏻拌粉除左炒肉碎蛋外，仲有大量嘅青辣椒紅辣椒🌶️雖然望落好似會好辣，但實際只係微微嘅香辣，反而更醒神開胃😋而黑蒜肉餅瓦罐湯，雖然望落好清湯，但黑蒜味係好香濃～配上有口感嘅肉餅，呢個湯有效解辣解膩～～「井岡山土豬肉鮮湯粉 / 蕃茄牛肉鮮湯粉 / 柚子竹香烏龍茶」除咗拌粉，佢哋都有湯粉，有4款湯底選擇～亦都可以揀辣度同配料～唔食辣嘅可以揀原味骨湯同蕃茄湯底～2款湯底都各有各濃郁，條條米線都索曬湯汁，正😋而豬肉個款我地再加咗豬心，好爽好彈唔錯👍🏻而佢地嘅飲品估唔到咁好飲！呢款柚子竹香烏龍茶，比起出邊好多茶飲舖質素都好👍🏻果味濃茶底香，又唔太甜～下次要試埋杯百香果先得😜😜