街坊Cafe (Closed)

西洋菜街樹立左形形式式嘅餐廳,但係依間餐廳嘅名就吸引左我。”街坊Cafe”依個名令我想知道依間餐廳究竟有幾街坊化。所以就決定一試。用左豬仔包代替一般漢堡,豬仔包外邊徵脆, 內裹仍然鬆軟,漢堡扒肉汁尚算飽滿,配上生菜,洋蔥,番茄同芝士。份量啱啱好,不過如果再熱返少少就更好啦。龍蝦汁嘅味道吾算得話突出,但係勝在海鮮配料夠多,意大利飯嘅軟硬度亦適中。港式街頭風味雞蛋仔作為依餐嘅結尾。配搭着吉士醬同燒過嘅棉花糖一齊吃,再加上冰凍嘅雪糕,味道同層次都提升左。