雲南過橋米線

Open Now

Now Closed

荃灣係米線之都，米線舖都過二十間，香車街市米線，四坡坊米線，路德圍米線，位於享和街呢間，真係街坊先識嚟！酸辣炸醬米線，小小辣，豬腸，韭菜餃💲43重點推介呢度自家包既韭菜餃，皮薄餡多，餡調味夠，坐低食麵已經聽到幾個客人叫淨韭菜餃🥟。不時見到職員係後面包餃子，自家包既韭菜餃，係附近街坊先知既必食推介！呢度啲豬腸要讚一讚，量夠之餘，老闆話剪開啲豬腸，可以清潔更乾淨☺️又鹵得入味啲，每一個步驟都做得好充足！順帶一提，舖頭提供既係樽裝豆漿，仲有黑白豆漿揀，唔係間間舖都有🤩我去果時黑豆漿已經賣曬啦！私心推介，佢啲麻辣豬脷同魚肉春卷都好正！