雲南過橋米線

Open Now

Now Closed

享和街呢頭有幾間食紅薯粉嘅餐廳，我一路都未食過，今次先試吓呢間如何。腩肉大腸撈幼紅薯粉（$30+$9+$9）要咗少麻少辣，食落都有少少辣度，麻味亦有；腩肉自帶些少辣，約有四舊，算大舊，偏瘦所以有啲嚡，味道一般；豬大腸約有六件，唔臭無怪味，味道合格；紅薯粉份量合適，望上去好晶瑩剔透，口感較腍身；配料有炸醬、花生、芽菜、蔥花、芫茜。豬肚撈幼紅薯粉（$30+$9）呢碗正常無加麻辣，雖然有醬汁，但食落偏向清淡；豬肚切絲大約有十條八條，有咬口，唔臭無怪味，味道正常。另外叫咗支黑豆漿（$7），有豆味唔錯。整體食物味道及份量都合格，可以一試。

一踏入門口，姐姐就叫住我問幾多位，好幸運剛好還有一個位置，坐低睇餐牌大約半分鐘，姐姐就行埋黎問食咩。有啲啲緊張，因為其實我又未睇得晒就唔敢唔叫，其實姐姐唔係好惡，但係逢親喺啲舊式小店都會遇到類似情況，姐姐們當食客們都係街坊熟客，有啲霸氣又有啲親切，哈哈。如是者我叫咗一個碗鮮蝦濃湯薯粉+魚肉春卷+腩肉，碗粉一黎到，湯係聞到香香既蝦味，但係食落就係濃濃有點兒偏咸，魚肉春卷係實的的既質感，呢個腩肉反而似叉燒既感覺，個人認為腩肉要有啲脂肪嗰種，純個人口味唔太喜歡。整體黎講六十幾蚊食碗粉加杯凍飲，唔貴亦唔算平，味道都算中規中矩，保留咗啲舊式小店感覺加咗少少分，畢竟而家周圍都好似得返啲連鎖或者來自唔到地方既過江龍，有時都想傻瓜瓜地回味一下舊區人情味道。

📍雲南過橋米線 (荃灣)荃灣享和街96B號地舖==============================呢間米線鋪係享和街街頭唔係太起眼，但因為一朝早無咩選擇，禁岩又見佢開左門，所以就入去食個早餐，估唔到搵到間正野🥰🥰==============================1️⃣豬手蘿蔔酸辣小窩米線🍜湯底你好香濃略帶少少香料味，我叫左少辣但真係好少，要另外再加辣椒油🤣同埋本身個湯底都唔係太酸，所以每枱都有樽醋係到可以自己加幾多都得，加完醋同辣椒油之後成碗麵變左勁好食，豬手同蘿蔔都好入味😋2️⃣韭菜餃雞絲小窩撈米線撈米線ge 汁好香濃豬骨同香料味，韮菜餃🥟雖然凍左d,但餡料都好好味，係菜多過肉果種餃子，雞絲因為比漏左後補返，份量都好多😍3️⃣熱檸茶/豆漿飲品方面就正正常常

已經好一陣子冇過黎食米線, 叫左魚肉春卷+腩肉, 小辣, 走芽菜, 飲凍奶茶, 唔洗10mins已經食得👍除左春卷&腩肉, 配料有炸醬, 芫荽, 蔥花仲有最愛嘅酸菜😋😋😋腩肉好入味, 夠淋身👍魚肉春卷夠厚身, 有咬口, 凍奶茶正常

有時胃口不佳，會想食湯餃子🥟🥟🥺🙏🏻但係只食餃子有d悶，😳總想加少少餸咁岩呢間雲南過橋米線幾岩我佢係荃灣廣場附近行行下街肚餓可以黎醫肚話說佢個魚肉春捲比較出名，食完覺得堅好食☺佢既份量好足，比我想像之中大份，差唔多有珍寶腸咁大，一d都唔hea😉😄😄食落好有口感似岩岩炸出爐果d煎饟三寶魚蛋咁♥️♥️勁彈唔會痴牙(*๓´╰╯`๓)♡而且魚味都幾突出🐟🐟🐟夾埋個餃子食可以保持balance唔會覺得太濃味🤭個餃子相對冇咁特別個皮有d厚材料冇咩特色🤪如果下次再食都係食返米線好d( ￣▽￣)σ

外賣咗酸辣炸醬米線，加腩肉腐竹魚皮餃。湯味好淡，無炸醬香濃味。只係普通嘅炒肉碎。魚皮餃普通腩肉無味，鞋，係無乜醃過豬肉……腐竹無乜煮過….只係熱湯浸淋總結：唔好食！

荃灣就出名多米線鋪，總有一間喺左近，但呢間又真係幾隱蔽， 喺鄭享和街入面，附近一帶都係車房同泊車位，唔細心睇都好容易Miss咗佢。不過今次有人特登帶我過嚟食佢，咁就要試試佢。嗰日就冇試米線，叫咗熱拌粗薯粉同酸辣湯幼薯粉。韭菜餃好香韭菜味，食落去就知新鮮包，但係份量就比較少得兩粒，滷水雞腳就幾入味，因為分開上，佢就凍咗啲，不過可以浸返落啲湯再食。粗幼薯粉都好煙靭，每條都好完整唔會斷開，重點嘅係湯底，雖然睇落去好清，但係佢啲酸味係會湧出嚟，令到成個薯粉好開胃，不過辣味就爭啲。

去完附近嘅工廠大廈做嘢已經到下午茶時間。行返去荃灣西站嗰陣見到呢間米線舖，求其食碗麵吧！坐低之後見到佢推緊新出嘅滷水豬手，OK，就試下你！-川式滷水豬手,豬大腸酸辣炸醬紅薯粉條+凍檸茶少甜 $43豬手滷得好香，食到個滷水汁入面有放唔同嘅香料，亦炆得啱啱好，皮嘅部分仲好彈牙，唔會腍得滯，係略嫌有少少毛冇處理好。豬大腸處理得好好，冇臭味，而且好爽口。薯粉Q彈，一啲都唔碎，晶瑩剔透。湯底香濃，酸辣並重，配料亦好多。

荃灣係米線之都，米線舖都過二十間，香車街市米線，四坡坊米線，路德圍米線，位於享和街呢間，真係街坊先識嚟！酸辣炸醬米線，小小辣，豬腸，韭菜餃💲43重點推介呢度自家包既韭菜餃，皮薄餡多，餡調味夠，坐低食麵已經聽到幾個客人叫淨韭菜餃🥟。不時見到職員係後面包餃子，自家包既韭菜餃，係附近街坊先知既必食推介！呢度啲豬腸要讚一讚，量夠之餘，老闆話剪開啲豬腸，可以清潔更乾淨☺️又鹵得入味啲，每一個步驟都做得好充足！順帶一提，舖頭提供既係樽裝豆漿，仲有黑白豆漿揀，唔係間間舖都有🤩我去果時黑豆漿已經賣曬啦！私心推介，佢啲麻辣豬脷同魚肉春卷都好正！

🇭🇰雲南過橋米線·酸辣炸醬米線$29 l 自家製魚肉春卷$13 l 豬頸肉$7呢間個米線我自己覺得都唔錯嘅 佢個湯底都幾惹味 不過就唔算話好特別🤣佢個魚肉春卷質感都唔錯 真係食到中間啲魚肉 但我自己就覺得佢炸到有啲油 而且佢$13都係得一係 雖然佢都大條既 但係感覺真係有啲少🤭😂之後佢豬頸肉口感唔錯 而且份量都多 係有1/2舊比較肥姐😎·自家製淨韭菜餃$32之後因為我哋見到佢有店員喺度包緊餃子 好似好正咁 所以就嗌咗一碗 點知真係有啲失望🥺佢個肉餡雖然調得唔錯 都幾多韭菜 但係真係好鹹 係鹹到我哋要即刻叫野飲 所以大家都係食翻米線好啦🙊🙊·📍荃灣享和街96B地下

作為一個荃灣人食米線緊係有返咁上下研究呢間算係我食過既米線中既頭幾位好食又抵食鋪頭雖然比較簡陋座位都比較迫lunch呢D繁忙時間都成日要等位同埋要搭檯 坐就唔太舒服架喇但食物係有質素得黎又親民我呢次就叫左個豬頸肉海帶湯幼薯粉個人黎講就比較中意食佢既幼薯粉好有咬口 又聽聞健康過就咁米線湯底即使叫唔辣都唔會清到無味因為有好多肉碎, 酸菜 仲送兩條生菜令到D麵既味道都有所提升餸方面豬頸肉都幾多 都爽口同埋本身醃得幾入味海帶就正正常常 幾厚身 幾中意食野飲方面 我中意飲佢個黑豆+$6就有大大支如果你唔中意飲凍既都可以叫佢整暖佢架!提醒返 呢排佢裝修緊無得食要1月先開返 等多排再去食啦

經過呢間鋪頭見到好多人排隊同埋都好耐冇食米線今日食撈米線，叫左豬耳，紫菜，豬扒已經少米線啦，都係好大一份特別係豬扒勁大個！真係經濟實惠又好好食下次會繼續來幫襯！

長期外賣飯堂 但從來唔會堂食 因為鋪頭實在太細太舊 坐得太唔舒服🙈例牌必叫雞絲紫菜撈米線酸辣小辣 同埋豬頸肉魚春卷撈米線酸麻大辣雞絲並唔係細細碎碎好幼嗰種 纖維比較粗但好彈牙好入味 有用醬汁預先拌混再鋪上米線到 同埋好鍾意紫菜纏著啲米線一齊食嘅口感魚春卷係男友至愛 超級大個圈呢度嘅米線份量比較飄忽 好睇廚房心情 但只會有正常份量同突然好多嘅分別😂 每次都食到好飽 而唯一一樣冇變嘅就係佢嘅辣 係好loooong lasting 好刺激 後勁凌厲 但係越辣又會令人越想食 好似上左癮停唔到咁 每次食完枱面都會多左堆雲吞😂

荃灣好食嘅米線實在太多 但擬於唔想排隊嘅關係 今次喺荃灣西附近咁啱見到有間平平無奇嘅鋪頭豬頸肉雞絲蘿蔔紅薯粉 $27(麵底)+$19(配料)嗌咗少少辣 反而冇我想像中咁辣配料份量都幾多 豬頸肉算爽口 雞絲神奇地唔係鞋拾拾 但可以唔係好幼嘅關係 所以唔係好吸湯 蘿蔔就唔掂啦 食落去唔甜又有榨 •比較舊嘅鋪頭 衞生情況就有待改善 不過味道正正常常啦 🚩雲南過橋米線 荃灣享和街96B地下

中午時段去食飯，本來打算食另外一間米線，點知打電話無人聽，無意中見到呢間！係門口就拎左餐單睇，見到幾吸引。揀左酸辣炸醬紅薯寬粉，雞亦尖，豬紅。呢間既寬粉係似大陸既火鍋粉，唔係平時食開酸辣粉的紅薯粉。我個人第一次食呢隻粉，味道唔錯，好有嚼口。個湯底叫左小小小辣（丁咁多辣），等於其他地方食既小辣，我個人覺得辣度比起其他地方的辣度會辣多一級。湯底濃香，一點都唔油。配菜份量都好多，最好食係雞亦尖，似鹵水過，超級淋。