雲南過橋米線

Open Now

Now Closed

荃灣就出名多米線鋪，總有一間喺左近，但呢間又真係幾隱蔽， 喺鄭享和街入面，附近一帶都係車房同泊車位，唔細心睇都好容易Miss咗佢。不過今次有人特登帶我過嚟食佢，咁就要試試佢。嗰日就冇試米線，叫咗熱拌粗薯粉同酸辣湯幼薯粉。韭菜餃好香韭菜味，食落去就知新鮮包，但係份量就比較少得兩粒，滷水雞腳就幾入味，因為分開上，佢就凍咗啲，不過可以浸返落啲湯再食。粗幼薯粉都好煙靭，每條都好完整唔會斷開，重點嘅係湯底，雖然睇落去好清，但係佢啲酸味係會湧出嚟，令到成個薯粉好開胃，不過辣味就爭啲。