Video
Read full review
2010-02-03
5 views
尋晚途經深水埗, 想食個簡單日本菜, 就同老婆衝左入黎原來大廚今日有朋友到訪, 已經坐左三張大檯, 人氣叫囂, 好不開心 雖然嘈左少少, 不過既然係開心氣氛, 咁都唔好介意啦, 仲推動我唔好求其叫套餐或定食就算, 不如每樣野都試下, 所以變左散叫. 問題黎了:1) 薄切左口魚刺身 - 上菜時並不是一般既刺身而係淋上了一個不知名黃色的醬汁. 相信係廚師自己調教去配合道菜的汁, 咁都唔錯吖, 第一個感覺良好, 起碼有 heart. 但一食落口就出事 -- 點解完全唔配合既? 感覺好似係雲里拿沙律醬加上了香草, 好甜; 都唔緊要, 但唔單止不能帶起刺身既鮮甜味而反而蓋過了, 更甚既係令魚腥味走哂出黎!! 好唔得!!! 唯有拿拿聲請侍應端來 wasabi 一碟. 女侍聽到時還以為我地 "唔識得食", 但依家問題係個汁醬唔啱, 我要用豉油 wasabi "反蓋" 過個汁. 咁樣食法才能食到多少刺身既天然魚味, 不過肯定對原本既味道打了不少的折扣 2) 三款壽司: 吞拿魚, 鯛魚, 海膽軍艦 -- 除了海膽軍艦尚算OK 外, 另外兩者同百X 或惠x 既出品無分別 飯面亦沒有塗上少少 wa
原來大廚今日有朋友到訪, 已經坐左三張大檯, 人氣叫囂, 好不開心 雖然嘈左少少, 不過既然係開心氣氛, 咁都唔好介意啦, 仲推動我唔好求其叫套餐或定食就算, 不如每樣野都試下, 所以變左散叫. 問題黎了:
1) 薄切左口魚刺身 - 上菜時並不是一般既刺身而係淋上了一個不知名黃色的醬汁. 相信係廚師自己調教去配合道菜的汁, 咁都唔錯吖, 第一個感覺良好, 起碼有 heart. 但一食落口就出事 -- 點解完全唔配合既? 感覺好似係雲里拿沙律醬加上了香草, 好甜; 都唔緊要, 但唔單止不能帶起刺身既鮮甜味而反而蓋過了, 更甚既係令魚腥味走哂出黎!! 好唔得!!! 唯有拿拿聲請侍應端來 wasabi 一碟. 女侍聽到時還以為我地 "唔識得食", 但依家問題係個汁醬唔啱, 我要用豉油 wasabi "反蓋" 過個汁. 咁樣食法才能食到多少刺身既天然魚味, 不過肯定對原本既味道打了不少的折扣
2) 三款壽司: 吞拿魚, 鯛魚, 海膽軍艦 -- 除了海膽軍艦尚算OK 外, 另外兩者同百X 或惠x 既出品無分別 飯面亦沒有塗上少少 wasabi 變成同任何平價壽司都一樣. 吞拿魚好淡色屬下級貨, 鯛魚亦無鮮味. 不過每粒搓既手勢都似唔錯, 飯身結實, 不致完全失分
3) 燒物: 多春魚, 大蔥, 雞軟骨 -- 算係全晚最平均既出品. 多春魚燒得OK唔乾身但賣相唔太靚而偏焦黑. 大蔥最好最似樣, 而雞軟骨就明顯係我係街市佳x 凍肉舖既行貨.
4) 酒煮大蜆 -- 蜆就好大, 係街市買到既款式. 問題係: 話明 "酒煮" 點解個湯係奶白色而且似湯麵既豬骨湯味道? 濃味湯撞新鮮海產日式煮法不可能帶出好的效果. 個蜆雖然鮮甜但又被個錯配既湯比了下去, 有點不值
5) 為求飽肚而叫既什菜 tempra 拉麵套餐 -- 又出事. 套餐前菜既罐頭粟米都唔講咧, 但問題係侍應竟然入錯單! 我叫拉麵而出了烏冬. 都算了, 烏冬不是一般粗身既麵而係薄身果款, 款式唔緊要, 但煮得過淋而且味道麻麻. 湯底既面豉湯又唔太靚又唔太夠味. 而個 Tempra 上檯時張吸油紙早已吸滿了油, 賣相極差.
埋單走人, 加埋為了刺身而叫的一支清酒, 總共三百多元. 俾原本只打算食定食既用多了二百元.
嚴格黎講, 我對今餐極度失望. 仲俾老婆哦足一晚, 話以後唔俾我揀去邊度食日本野! 但問題反思一下, 一來價錢唔算太貴, 二來自問可能已經食奄尖了咀巴而寧舍挑剔. 更何況人地其實係主打街坊生意, 用料要因價就貨都無可厚非. 仲有的是見到疑似主廚人物全晚都忙碌地招呼果三檯"朋友", 相信出品都不是他的手工. 更甚的是其實或多或少都感到有"心"去做, 例如自行調教既汁醬及壽司的手工等, 都應該尊重既. 不過就覺得係有多少眼高手低, 而且破壞了我去發掘"出色無名小店"既期望. 所以喊面都係唔俾了.
Post