順興茶檔

Open Now

Now Closed

在大坑住了四年，不知不覺都幫襯了三年，以前的老細，多數人叫佢「事頭」，最出名除車仔產品外，還有油麥多及奶茶。後來轉手給人，奶茶不再出色，故我亦過檔炳記吃早餐。後來再幫襯，估唔到奶茶好飲番咁多，無論熱定凍，都好有奶茶味。最近經常與一班姊妹游早水，事後定必往順興食早餐，老細亦愛上這裡的奶茶，到現在一飲奶茶，都指定要順興。由於是茶檔，特別受養狗人士歡迎，因為可以與愛犬一齊嘆茶，豈不樂乎。有時閒日放假，10點幾與老公一齊落黎邊食早餐，邊與街坊及靚姐傾偈，實在疏乎。大坑是一個充滿美食(炳記茶檔、J.A.M.餅店、火車頭、英記、橫山、金龍泰美食及嘴兒甜等)及人情味的地方，若放假，不坊多逛一會，實有意想不到的收穫。