順興茶檔

Open Now

Now Closed

每個禮拜都要去報到嘅極品B級美食，怒轟蛋同豬扒😍！・・・・・・・・・・・・・・・・・・・・🍳 滑蛋魚柳飯 HK$60・味道：超重蛋味！極嫩滑！魚柳好滑，加埋甜豉油撈飯，正！蛋同魚柳都係已調味，就咁食都好滿足！・口感：魚柳外脆內嫩，yum！🐷 秘制豬扒飯 HK$60・味道：豬扒外皮煎到焦脆，仲有蜜糖香包住，甜甜鹹鹹的好正欸～個蛋流心啲更好！・口感：軟熟的豬兒最好吃了，嘻♥(´∀` )🐷 秘制豬扒撈米 HK$63・味道：豬扒keep住外脆內軟，甜甜鹹鹹咁好食。蛋都係超水準發揮，重蛋味夠嫩滑。今次個重點：撈米配麻油，美味Σ>―(〃°ω°〃)♡→！・口感：冇嘢講XD 就是正！🐮 招牌五香牛腩飯 HK$63・味道：五香肉丁汁好邪惡但好香口，配埋小小辣油咁好惹味！牛腩同牛筋都好入味，不過8成牛筋，好少牛腩，而且牛腩偏碎，呢個位有啲扣分TT・口感：牛腩同牛筋都好淋好入味嘅，個五香辣汁撈飯一流，幾輕身而且食完唔會好渴嘅～🍹 橙茶 走甜 +HK$3・味道：真係有幾嚿橙，個人覺得少少甜係最perfect，橙同茶比例最好嘅味道，jeng！・口感：飲到橙粒嘅呢～・・・・・・・・・・・・・・・・・・・・

滑蛋豬扒飯 $59炒蛋係半熟嘅，有少少蛋汁，但冇乜蛋香味，配上蔥花、豉油同切好嘅豬扒，豬扒可能係被蛋汁整濕咗，外皮唔酥脆，少少失望。〰️〰️〰️〰️〰本身諗住去食滑蛋菠蘿油，等位等咗15分鐘，坐低落單先講冇菠蘿油，冇麵包類，其實係咪可以係客人排隊之前講有咩係售罄先？等客人唔洗白等呀嘛😢 咁無計啦，叫滑蛋叉燒飯又冇叉燒，叫車仔麵又冇魷魚⋯⋯我哋大概13:00左右到餐廳，可能太晏啦，如果想多啲嘢食就早啲到餐廳。食物質素普通，餐具衛生差，服務更加不值一提，如果山長水遠入嚟食就唔值啦，路過想體驗下茶檔風味，都可以試一次嘅，始終我覺得傳統特色係需要被保留~ 〰️〰️〰️〰️〰️食物: 3/5性價比: 3/5 環境: 2/5服務: 2.5/5Revisit: No

滑蛋豬扒飯據聞大坑順興茶檔有啲名氣，招牌滑蛋叉燒飯，之前過黎食，無食到，因為無開檔😂今日點左個滑蛋豬扒飯。我覺得好好味wor🥰啲蛋夠滑，豬扒份量又足，味道又唔差，黎開呢頭可以一試。

落大坑一係食炳記 一係食滑蛋叉燒飯（$62；凍飲加$3 ）一定要早啲去，晏少少去一定買晒蛋香又滑 叉燒份量恰當加埋秘製豉油冇得輸女仔一定要嗌少飯！雖然奶茶出名，但本人唔飲奶茶，凍咖啡或者凍檸茶都好飲！除咗滑蛋叉燒飯，都有車仔麵或者淨餸，但相比之下，都係滑蛋叉燒飯最出色！

大坑呢個美食小天堂集合左唔同國家嘅美食，有充滿歷史歲月行跡嘅車仔麵、茶檔同茶餐廳，亦有打卡、歐陸風味嘅咖啡店，好多香港人放假都會過黎Chill一Chill，搵美食！講到大坑必食，問十個，有九個都會講順興滑蛋叉燒飯，有別其他店舖，佢地保留舊香港傳統茶檔鐵皮屋設計，冇冷氣，坐立於唔起眼嘅街邊後巷，但你總會見到座無虛位同排隊嘅景象。香港呢啲鐵皮屋茶檔真係為數不多，好多都俾時代慢慢淘汰。🍚滑蛋豬扒飯 $57★★★★☆份量絕對毫不吝嗇，大大碟，冇好華麗嘅擺盤，但正係見到個金黃色炒蛋個賣相已經吸引死人。炒蛋半熟狀態咁，仲帶有少少蛋汁，加埋蔥花同一塊塊深啡色豬排，冇得輸！個蛋炒得岩岩好，入口嫩滑，仲好有蛋香味，絕對真材實料！豬扒同顏色一樣好入味，一啖飯有哂滑蛋、豬扒、加埋佢地個甜醬油，正！樣樣食材都唔係D咩花巧貴價野，但咁簡單嘅食材反而更加好味，更有港式味道，十分地道！🍚秘製豬扒飯 $56★★★★☆份量依然好足，豬扒大大塊已切好，豬扒望落已經同滑蛋豬扒飯嘅唔同，顏色深好多。食落都係超級入味，個皮焦焦地，皮唔係酥脆個款豬扒，但好惹味，配飯一流。豬扒唔加個甜醬油都好夠味，另外有隻煎蛋跟埋。如果唔太食蛋嘅

1月1號第一個活動竟然係約咗去打保齡，呢個運動幾時變咗我嘅新常態？去得銅鑼灣梗係順道要去大坑食早餐啦，本身鐵腳係炳記，好可惜佢放假。聽我表妹講呢度嘅早餐同炳記不遑多讓，價錢又一樣（都係$42）叫我去試吓。咁就好啦，咁啱有機會😅平時去開炳記叫開奶油多、火腿煎一隻、熱奶茶。呢度同樣價錢變咗一件多士、兩塊火腿、兩隻蛋。性價比喺呢度高啲嘅～只可惜質素我就真係覺得銘炳記吸引我多啲囉。第一係佢嘅大排檔格局，可能情意結，都係覺得炳記有味道啲。第二係佢杯奶茶又係大杯過炳記，不過味道就⋯⋯⋯🫣仲要用紙杯，風味都冇埋😞第三係佢件多士轉左粒粒花生醬要加成$6咁多。火腿蛋雖然炳記每一樣都係逐樣加錢冇套餐，但係份量真係唔使咁多，好味就得啦。食完先諗翻起其實我之前好似有外賣過佢杯奶茶，點解我諗唔起㗎？😞新一年第一餐就咁樣⋯⋯

大排檔，在香港真係賣少見少了，尤幸大坑還有兩間；之前因太遲到達，差不多什麼也沒有，連奶茶也售罄，實在失望！😢(可惜忘記咗影檔口相，用返上次餐廳張相先。😓)今日一早到來，當然什麼也有，叫了招牌滑蛋叉燒飯及茶走。招牌滑蛋叉燒飯(豉油另上)，雞蛋香滑，叉燒薄切但肥瘦均勻，加上少許鼓油已非常好味，但薄切叉燒口感就稍為單薄，不知可有厚切些少的呢？🥓🐖🐷茶走香甜又不失茶香味，最緊要係新鮮熱辣又好飲，可惜棄用瓷杯而改用紙杯，口感上就差少少，但都值得一試！☕️據說滑蛋菠蘿油也很不錯，下次一於來試試。😋順興茶檔地址: 大坑安庶庇街24號地下電話: 25766577

順興茶檔最出名就係以下2樣野1️⃣ 滑蛋菠蘿油 $28菠蘿包入面夾住厚蛋+一塊牛油片🧈咸夾甜嘅組合，再配杯標準港式奶茶，做早餐好滿足😌2️⃣滑蛋叉燒蝦仁飯 $68同滑蛋菠蘿油一樣，只要個蛋唔太老都唔會難食嘅無敵comfort food😌今次個蛋炒得幾好再落埋甜鼓油好快食晒，正呀雖然唔係差，但唔係住附近/出開去就未必會特登去食，如果出開去嗰頭就無妨😙去食都食想食佢既懷舊風味

如果大家對大坑嘅食物有研究，就會知道滑蛋飯就去大坑嘅傳統命脈，成日都會有啲歌星明星走飯野。今次叫咗個滑蛋豬扒飯，當然個蛋配豉油就真係好食嘅豬扒就不過不失，豬扒炒咗入香濃嘅滑蛋入邊，所以你會發現一塊塊豬扒好似樣左入去咁樣。有少少溫馨提示，個飯一上嚟嘅時候，隔離會有一兜豉油，見過唔少人一下就落晒全部，建議唔好因為會好鹹，個人喜歡就係少少少少咁樣落去，再加埋啲麻油，未到得到一個好大嘅提升，杯凍奶茶亦都係可以試一試。留意返禮拜一係大亨坑休息日。冇得食嘅！

一🐾滑蛋牛肉飯份量超級多，兩個女仔啲飯都食唔晒除咗牛肉之外，仲有叉燒、豬扒、蝦仁選擇再加埋甜豉油未算超級驚艷經過都可以試吓一🐾菠蘿油本身對菠蘿油都冇乜期望因為市面嘅菠蘿油一係個皮唔夠脆，一係牛油唔夠多。但呢個絕對係值得推薦！由兩個菠蘿油變成一個菠蘿油 一次過滿足你兩個願望皮夠脆牛油夠多好開心😻🫶🏻一🐾奶茶茶底濃郁，入口順滑建議飲熱奶茶一 🚏 順興茶檔 (大坑)大坑安庶庇街24號地下一茶檔係內街位置，坐摺凳好有懷舊感覺仲可以用graffiti 牆做打卡背景 加晒分😻順興另外一個舖位大家可以選擇

幫襯順興已有十幾年了，早期最常叫的是花生醬麥多和一杯即冲熱辣辣奶茶，當時的老闆很自信自己冲的奶茶，每次上奶茶的時候也大談他冲奶茶的心德。自從2007易手後都少去大坑，唔係佢D嘢唔好，只不過唔再係附近辦事，今日早上要去CWB做exercise，天后落咗車行去大坑順興茶檔食個早餐先。坐落梗係叫杯奶茶加件多士懷念一番。✨奶茶現在的奶茶用纸杯上，往日用傳統的made in France 玻璃杯上，奶味比之前濃但茶味不足，聞唔到茶香，喝落有點封脷的感覺，茶色濃但味淡如水，落多一包糖試下，味道依然，當然甜了，其實之前都有幫襯過，奶茶都唔錯，可惜今天失準了，總是找不到昔日味道😥✨花生醬多士冇麥多，只有order peanut butter toast，現在用上粗粒花生酱，方包都新鮮，烘得透徹👍下次有機會的話，再試下他的車仔麵。

大坑一向隱藏了不少美食，這家老字號茶餐廳的滑蛋非常出名🌟吸引不少人慕名而來😆🍍滑蛋菠蘿包菠蘿包上手還是溫暖✨✨外層鬆脆 內層滑蛋嫩滑🥚 十分厚 非常足料🌟🌟加上半溶化的牛油磚🧈 十分邪惡 以想不到地好食😈🆁🅰🆃🅸🅽🅶: 4.1/5🐷滑蛋豬扒飯滑蛋呈半生熟狀態🍳火喉剛好🔥 保持了幼滑多汁的口感🌟 豬扒雖然並不香脆 但肉質鬆軟入味 沒有半點粗糙感✨ 加上少量甜醬油及蔥花 是出色的經典味道👍🏻🆁🅰🆃🅸🅽🅶: 3.7/5🍛招牌滑蛋三寶飯滑蛋與豬扒飯同樣出色🍳只是配料換成牛肉🐂、叉燒🐷及蝦仁🦐 牛肉味道不夠出眾 叉燒肉質略為瘦削乾身 蝦反而彈牙爽口 整體味道較普通 略為遜色🆁🅰🆃🅸🅽🅶: 3/5𝙾𝚟𝚎𝚛𝚊𝚕𝚕 𝚛𝚊𝚝𝚒𝚗𝚐: 𝟹.𝟽/𝟻 𝐟𝐨𝐫 𝐏𝐢𝐧𝐞𝐚𝐩𝐩𝐥𝐞 𝐁𝐮𝐧𝙵𝚘𝚘𝚍: 𝟹.𝟽/𝟻𝙴𝚗𝚟𝚒𝚛𝚘𝚗𝚖𝚎𝚗𝚝: 𝟸.𝟽/𝟻𝚂𝚎𝚛𝚟𝚒𝚌𝚎: 𝟸.𝟽/𝟻𝚁𝚎𝚟𝚒𝚜𝚒𝚝: 𝚖𝚊𝚢𝚋𝚎

大坑總係一個充滿人情味嘅小社區有些店舖 依舊好食 依舊有風味呢間係其中一間~每次黎呢到基本上都離不開滑蛋飯滑蛋叉燒飯更係陪伴咗我好多年薄切叉燒+超滑滑蛋+甜豉油=💯唔想排隊記得早D去呀🥳🥳

今日去咗大坑食午餐，去咗我哋平時都好鍾意食嘅順興。之前都係坐室內，見今日天氣咁好，就坐咗室外大排檔。今日都係食咗佢哋招牌嘅滑蛋豬扒飯，豬扒好林好入味，一如既往咁好食。另外食咗車仔麵，腩汁撈粗，蘿蔔好林好甜。飲品一定係飲凍奶茶，絕對係佢哋嘅招牌！溫馨提示：盡量早啲去食，我哋今日兩點去，好多招牌嘢例如叉燒、魷魚、熱奶茶已經冇晒。如果有嘅話，記得一定要嗌佢哋嘅滑蛋菠蘿油，有厚厚嘅滑蛋，雖然滿滿罪惡咁，但真係好好食！

大坑cafe林立, 一路比人食野會較貴的感覺,今日朋友帶我黎左一間茶檔,大熱天時肯食茶檔,究竟有咩咁吸引呢!?點左呢個 滑蛋蝦仁飯,由於驚份量太大,叫左小飯, 一上台,我就明白!賣相相當吸引! 滑蛋滿滿包住飯,半熟的蛋上面蛋液幼滑每粒蝦仁飽滿晶瑩!最最最重要係個甜鼓油!!係成個飯的精粹! 將所有野撈埋一齊食,連平時唔食蔥的我,都覺得蔥花特別香口,配搭得岩岩好!蛋超香濃,隨蛋液滑入喉中!蝦仁大大粒爽口彈牙,成件事好夾又滿足!