金來越南粉

Open Now

Now Closed

在葵涌的一個有點昏暗的地茂商場，入面有一間挺有歷史的「金來越南粉」，越南粉味道未必好正宗，但至少經濟實惠也。天氣有點悶熱下，決定吃番個湯底酸酸辣辣的四寶粉。呢個粉內容相當豐富，有腍肉、牛肉、雞肉同扎肉，D料鋪得滿滿的像個小山，感覺好滿足。味道還不錯，酸酸的好開胃，唯一唔好是那些金邊粉比較易散，唔夠爽身。唔多夠喉，加多個越式春捲配咖哩角，味道唔算特別，勝在即叫即造新鮮滾熱辣，夠晒香口也，即使環境同冷氣（近呼零冷氣）差一點，都變得冇所謂了。呢度既菊花茶係自製，甜左少少但勝在有住家風味。平心而論，此店十分地茂，愛乾淨的人實在不宜光顧，但食物價錢平味道又OK，絕對是糧尾佳選也。