海港酒家

Open Now

Now Closed

今晚補祝老媽子生日，去翔龍灣海港酒家晚飯。呢間算係全紅磡土瓜灣區，比較無咁難食的街坊酒樓。三人前，點了龍躉兩味、瑤柱豆苗、油鹽水煮沙白、乳豬拼叉燒等街坊小菜。龍躉兩味係西芹炒球同潮式泡頭腩。西芹炒球不過不失，不過碟頭就麻麻。潮式泡頭腩比較特別，用鹹菜辣椒豆卜做湯，無豬肚湯嗰種辣味，但有提鮮功效，唔食得魚腥如文公子者，就有少少頂唔順。瑤柱豆苗份量算唔錯，不過瑤柱混埋金菇絲，有少少取巧，但都算夠甜味。油鹽水沙白跟冬粉底，沙白唔夠大粒不過都算甜，冬粉吸湯同蜆味，效果還可以。最搞笑係乳豬拼叉燒，竟然最後先出現，斬出來嘅都要等成半個鐘，完全違反常識。千呼萬喚始出來的乳豬，今晚難得好夠瘦仲有骨，而叉燒亦係半肥瘦，水準唔錯，$128可說性價比高。海港原來已經無做SKOL，只能叫$16.8嘉士伯，對SKOL迷文公子來講，真係有點遺憾。