十八座狗仔粉

Open Now

Now Closed

今日夜晚去咗睇戲，睇完已經9:30pm，都冇乜好嘢食啊，所以就去咗呢一間18座狗仔粉，一直聽聞呢間係攞咗米芝蓮嘅，所以都想試好耐啦！入到去原來可以揀堂食，雖然坐得就一般不過呢啲街頭小食有得坐都算唔錯㗎啦，揀咗呢一個招牌嘅馳名狗仔粉，仲有炸黑白雙丸添。馳名狗仔粉一食落去就感覺得到真係有用時間整嘅，相當有心！餐廳入邊不停有播片話可以試吓加辣菜蒲，話呢一個先係狗仔粉嘅靈魂！試咗少少，其實係幾好食，但係真係辣到阿媽都唔認得！炸黑白雙丸係即叫即整嘅，熱辣辣好好食！仲叫咗兩支涼茶，冇額外加糖得來又好飲。埋單都係$50一個人，下次要試埋佢個火鴨翅先！